قىرعىزستان پارلامەنتٸ ٶزٸن-ٶزٸ تاراتۋ تۋرالى شەشٸم قابىلدادى, دەپ حابارلايدى Dalanews.kz قىرعىزستاندىق باق-قا سٸلتەپ.
25 قىركٷيەكتە ٶتكەن وتىرىستا دەپۋتاتتار پارلامەنتتٸڭ ٶزٸن-ٶزٸ تاراتۋ باستاماسىن قولداپ, داۋىس بەردٸ. قاتىسقان 89 دەپۋتاتتىڭ 84-ٸ قولداپ, ەشكٸم قارسى بولماعان.
دەپۋتات ۋلان پريموۆ بايانداما جاساعان. ونىڭ ايتۋىنشا, شەشٸم ەكٸ سايلاۋ ناۋقانىنىڭ قاتار ٶتۋٸمەن بايلانىستى. ەلدە پارلامەنت سايلاۋى 2026 جىلعى قاراشاعا, ال پرەزيدەنتتٸك سايلاۋ 2027 جىلعى قاڭتارعا بەلگٸلەنگەن.
ال زاڭعا سەيكەس پارلامەنت ٶزٸن-ٶزٸ تاراتۋ تۋرالى شەشٸم قابىلداعاننان كەيٸن پرەزيدەنت بەس كٷن ٸشٸندە دەپۋتاتتاردىڭ كەزەكتەن تىس سايلاۋىن تاعايىنداۋعا تيٸس. الدىن الا بولجام بويىنشا سايلاۋ 2025 جىلعى 30 قاراشادا ٶتەدٸ.
بۇل قىرعىزستان پارلامەنتٸنٸڭ العاش رەت مەرزٸمٸنەن بۇرىن جۇمىسىن توقتاتۋى ەمەس. 1994 جىلى جوعارعى كەڭەستٸڭ العاشقى قۇرامى ٶزٸن-ٶزٸ تاراتقان. 2007 جىلى دا پارلامەنت تاراتىلدى, ال 2010 جىلعى سەۋٸر رەۆوليۋتسيياسى مەملەكەت باسشىسىن دا, دەپۋتاتتاردى دا ورنىنان كەتٸردٸ. 2020 جىلى ٶتكەن پارلامەنت سايلاۋىنىڭ نەتيجەلەرٸ دە جويىلعان ەدٸ.
