بۇل جونىندە قىرعىزستاننىڭ ەڭبەك، الەۋمەتتىك قورعاۋ جانە ميگراسيا ءمينيسترى قۇدايبەرگەن بازاربايەۆ حابارلادى.
– ءبىز بۇگىن ۇلىبريتانيا، وڭتۇستىك كورەيا ەلدەرىنە ازاماتتارىمىزدى جىبەرەمىز. ءارى قاراي بۇل ءتىزىمدى كەڭەيتە بەرەمىز، – دەدى ەڭبەك ءمينيسترى Facebook پاراقشاسىندا.
قىرعىز ازاماتتارىنىڭ جاپونيادا جۇمىس ىستەۋى جونىندە كەلىسىم ەلدىڭ ەڭبەك مينيسترلىگى مەن قىرعىز مەملەكەتتىك ۋنيۆەرسيتەتى جانىنداعى جاپونتانۋ ينستيتۋتى اراسىندا جانە جاپونيانىڭ IBS «كاسىبي وداعى» اراسىندا جۇرگىزىلگەن.
قىرعىزستان ەندى ازاماتتارىن فينلياندياعا جۇمىس ىستەۋگە جىبەرۋگە ارەكەت جاساپ جاتىر. مۇنىڭ الدىندا گەرمانيامەن كەلىسىمگە كەلگەن.
بۇگىندە قىرعىزستاندا الەمنىڭ 20 ەلىنە جۇمىس ىستەۋگە جىبەرەتىن 118 جەكە اگەنتتىك بار.
رەسمي مالىمەت بويىنشا، شەتەلدە 1 ملن 118 مىڭ قىرعىز ازاماتى جۇمىس ىستەيدى. ونىڭ ميلليونى رەسەيدە ءجۇر.
