ال ەكىنشى ورىندا 33،78 پايىز داۋىس العان ومىربەك بابانوۆ، ءۇشىنشى ورىندا 6،48 داۋىس جيناعان اداحان مادۋماروۆ كەلەدى.
نەگىزىنەن قىرعىزستان پرەزيدەنتتىگىنە ۇمىتكەر رەتىندە 13 كانديدات تىركەلگەن بولاتىن. العاشقى ۇشتىكتەن وزگە 10 ۇمىتكەردىڭ ىشىندە تەمىر سارييەۆتىڭ جيناعان 2،56 پايىزىنان باسقاسى 1 پايىز دا جيناي العان جوق.
ال ناقتى اقپاراتتى وسك 20 كۇننىڭ ىشىندە تولىق جاريالاۋى ءتيىس. وسك باسشىسى نۇرجان شايلدابەكوۆا بۇل كورسەتكىشتىڭ وزگەرۋى مۇمكىن ەكەنىن ايتتى. جانە ول پرەزيدەنت سايلاۋىنىڭ ەكىنشى تۋرى بولاتىن-بولمايتىنىن ناقتى ايتا العان جوق. دەگەنمەن بارشامىزعا بەلگىلى، ەكىنشى تۋر كانديداتتاردىڭ ەشقايسىسى 50 پايىز داۋىس جيناي الماي قالعان جاعدايدا وتەدى.
دەگەنمەن سايلاۋشىلاردىڭ باسىم كوپشىلىگى سايلاۋدىڭ ءادىل وتپەگەنىنە دە شاعىمدانىپ ۇلگەرگەن. بۇل تۋرالى قىرعىزستاندىق ب ا ق جازىپ جاتىر. مىسالى NTS.kg سايتى جەرگىلىكتى سايلاۋ ۋچاسكەلەرىندە باقىلاۋشىلارعا، جۋرناليستەر مەن قاراپايىم حالىققا داۋىس بەرۋ بارىسىن سۋرەتكە نەمەسە ۆيدەوعا تۇسىرۋگە رۇقسات ەتپەگەنى تۋرالى جازادى.
«مىسالى وش وبلىسىنا قاراستى چون-الاي، ۇزگەن اۋداندارىنىڭ سايلاۋ ۋچاسكەلەرىندە سايلاۋشىلاردىڭ قانداي بيۋللەتەندەر العانىن، قالاي داۋىس بەرگەنىن كامەراعا تۇسىرۋگە تىيىم سالىنعان» - دەيدى سايت اقپاراتىندا.
ال سايلاۋ زاڭناماسىنا سايكەس، باقىلاۋشىلار مەن جۋرناليستەرگە داۋىس بەرۋ بارىسى قالاي ءجۇرىپ جاتقانىن كامەراعا تۇسىرۋگە رۇقسات بەرىلگەن.
مۇنان بولەك تاعى باسقا دا قىرعىزستاندىق ب ا ق مۇنداي كەلەڭسىزدىكتەردىڭ تىركەلگەنىن جازعان.
