قىرعىزستان جوگوركۋ كەنەشٸنٸڭ دەپۋتاتى ايسارا ابديباەۆا ەلدٸڭ ٶزٸن سٷت جەنە سٷت ٶنٸمدەرٸمەن قانشالىقتى قامتاماسىز ەتٸپ وتىرعانىنا الاڭداۋشىلىق بٸلدٸردٸ. بۇل مەسەلە 9 اقپاندا جوگوركۋ كەنەشتٸڭ قارجى, بيۋدجەت, كەسٸپكەرلٸك جەنە بەسەكەنٸ دامىتۋ جٶنٸندەگٸ كوميتەتٸنٸڭ وتىرىسىندا كٶتەرٸلدٸ, دەپ حابارلايدى Dalanews.kz.
سۋ رەسۋرستارى, اۋىل شارۋاشىلىعى جەنە ٶڭدەۋ ٶنەركەسٸبٸ مينيسترٸنٸڭ بٸرٸنشٸ ورىنباسارى جانىبەك كەريماليەۆ قىرعىزستان ٶزٸن سٷت ٶنٸمدەرٸمەن قامتاماسىز ەتٸپ وتىرعانىن ايتىپ, ونىڭ بٸر بٶلٸگٸ قازاقستانعا ەكسپورتتالاتىنىن مەلٸمدەدٸ.
الايدا دەپۋتات بۇل جاعدايعا سىن كٶزبەن قاراپ, ناقتى مەسەلەگە نازار اۋداردى.
«بٸزدٸڭ ناعىز سٷتٸمٸزدٸ ساتىپ الىپ, كەيٸن بٸزگە ونى پاستەرلەنگەن كٷيدە 110 سومنان قايتا ەكسپورتتايدى. رەسەيدەن دە سولاي كەلەدٸ. مۇنىمەن اينالىسۋ كەرەك قوي», – دەدٸ ايسارا ابديباەۆا.
ٶز كەزەگٸندە ۆيتسە-مينيستر قازاقستاننىڭ شيكٸزات ەمەس, دايىن ٶنٸمدٸ عانا ساتىپ الاتىنىن, ال پاستەرلەۋ ٶنٸمنٸڭ بۇزىلىپ كەتپەۋٸ ٷشٸن جاسالاتىنىن تٷسٸندٸردٸ.
بٸراق دەپۋتات بۇل ۋەجگە كٶڭٸلٸ تويماي, ەل ٸشٸندە تۇتىنىلاتىن سٷتتٸڭ ساپاسىنا كٷمەن كەلتٸردٸ.
«ال بٸزدە سٷت ەمەس, بٸر ۇنتاق قانا. ازاماتتارىمىز ۇنتاق سٷت ٸشٸپ وتىر. بۇل مەسەلە بويىنشا ارنايى كوميسسييا قۇرۋ كەرەك. ەگەر فەرمەرلەر بٸشكەكتە سٷت ساتاتىن دٷكەن اشسا, ونى بٸردەن الىپ كەتەر ەدٸ. بٸز, قالا تۇرعىندارى, نە ٸشٸپ جٷرگەنٸمٸزدٸ دە بٸلمەيمٸز. ال ەكولوگييالىق تازا ٶز سٷتٸمٸز شەتەلگە كەتٸپ جاتىر», – دەپ نارازىلىق بٸلدٸردٸ دەپۋتات.
