باعانى رەتتەيتٸن قىرعىزدىڭ بيلٸك ورىندارى كٶمٸر باعاسىنىڭ قىمباتتاۋ مەسەلەسٸن قوعامدىق تالقىلاۋعا سالىپ, قارپايىم قىرعىزدى قازاقتارعا قارسى قويۋعا ەرەكەتتەنۋدە. ەكونوميكا مينيسترلٸگٸ سوڭعى بٸر اي ٸشٸندە كٶمٸر باعاسى 20 پايىزعا ٶسٸپ كەتكەنٸن العا تارتىپ وتىر. ال ەلدٸڭ سولتٷستٸگٸ تالاس ٶڭٸرٸندە كٶمٸر 25 پايىزعا دەيٸن قىمباتتاعان دەسەدٸ.
قىرعىز بيلٸگٸ كٶمٸردٸڭ قىمباتتاۋىنا قازاقستاننىڭ كٸنەلٸ ەكەنٸن ەمەۋرٸنمەن بولسا دا بٸلدٸردٸ. اينالايىن قىرعىزدار, كٶمٸردٸڭ باعاسى قىمبات دەپ جىلاي بەرمەڭٸزدەر. سول قارا التىننىڭ باعاسى بٸزدە دە جالىنا قول تيگٸزبەي تۇر.
الدا قىلىشىن سٷيرەتٸپ قىس كەلە جاتقانىن المازبەك مىرزا ويلاۋى كەرەك ەدٸ. بٸزدٸ سىناپ نەسٸ بار? بٸز وندايدى كٶتەرە المايمىز. ايتاتىن ەڭگٸمە قۇرىپ قالدى ما? دەموكرتييالىق قۇندىلىقتى تۋ ەتٸپ كٶتەرگەن باشسى (وسى جولى اتامباەۆتىڭ قانشالىقتى دەموكرات ەكەنٸن بايقادىق قوي) ەل حالىقتىڭ تاعدىرىمەن بۇلايشا ويناماسا كەرەك ەدٸ.
مەنٸڭشە, قىرعىز بيلٸگٸنٸڭ كٶمٸردٸڭ باعاسىنىڭ كٶتەرٸلۋٸن حالىقتىڭ تالقىلاۋىنا شىعارۋى ساياساتتان حابارى جوق قاراپايىم قىرعىزداردى قازاقتارعا قارسى قويۋدىڭ امالى سيياقتى.
ەيتپەسە, قىرعىز بيلٸگٸ كٶمٸر باعاسىنا قاتىستى مەسەلەنٸ قوعامدىق تالقىلاۋعا شىعارماي-اق, استاناعا كەلٸپ, جالىنىپ, جالپايىپ شەشٸپ كەتۋٸنە بولار ەدٸ عوي? مۇحتار ەبٸليازوۆتى تالاي رەت كەشٸرگەن بٸزدٸڭ ەلباسىمىز كەك ساقتامايتىن, كەشٸرٸمدٸ جان ەكەنٸن قىرعىز بيلٸگٸ بٸلمەيدٸ دەگەنگە كٸم سەنەدٸ?
قىرعىزستانداعى قازٸرگٸ جاعداي رەسەي مەن اقش-تىڭ اراسىنداعى دٷردارازدىقتى ەسكە تٷسٸرەدٸ. قىرىمدى باسىپ العان ورىستار سانكتسييانىڭ استىندا قالعان سوڭ, قىمباتشىلىققا ۇرىنىپ, قاتتى كٷيزەلگەن قارا حالىققا "مۇنىڭ بەرٸنە امەريكا كٸنەلٸ" دەپ قارقىندى پروپوگاندا جٷرگٸزٸپ جاتىر. سول سيياقتى قىرعىز بيلٸگٸ دە مەسەلەنٸ وڭتايلى شەشۋدٸڭ ورنىنا كٶمٸر مەسەلەسٸن تالقىلاۋعا شىعارىپ, قارپايىم حالىق الىدىندا سۋدان تازا, سٷتتەن اق بولىپ كٶرٸنۋگە تىرىسىپ جاتىر. بۇدان نەنٸ اڭعارامىز? ٶز باسىم بۇدان قىرعىز بيلٸگٸنٸڭ تۋىنداعان داۋ-شارلاردى شەشۋگە قابٸلەتسٸز ەكەنٸن بايقاعانداي بولدىم.
نۇرلان جۇماحان
