اقش پرەزيدەنتٸ دونالد ترامپتىڭ گازاداعى سوعىستى توقتاتۋعا باعىتتالعان جوسپارى ٸسكە اسىرۋ كەزەڭٸندە تۇيىققا تٸرەلدٸ. بٸر جىلدان كەيٸن دە حاماس-تى قارۋسىزداندىرۋ, يزرايل ەسكەرٸن شىعارۋ جەنە انكلاۆتى قالپىنا كەلتٸرۋ مەسەلەلەرٸ شەشٸلمەگەن, دەپ حابارلايدى dalanews.kz.
ترامپتىڭ 20 تارماقتان تۇراتىن جوسپارىنىڭ العاشقى كەزەڭٸ 2025 جىلعى 10 قازاندا اتىستى توقتاتۋعا مٷمكٸندٸك بەرٸپ, كەپٸلگە الىنعان ادامدار مەن پالەستينالىق تۇتقىنداردى بوساتۋعا جول اشقان. الايدا جوسپاردىڭ كەيٸنگٸ كەزەڭدەرٸن جٷزەگە اسىرۋدا ايتارلىقتاي ٸلگەرٸلەۋ بولماعان.
Reuters مەلٸمەتٸنشە, يزرايل ەسكەرٸ قازٸرگٸ ۋاقىتتا گازا اۋماعىنىڭ شامامەن ٷشتەن ەكٸسٸنە باقىلاۋ ورناتقان. سونىمەن قاتار انكلاۆتا ەۋە شابۋىلدارى جالعاسىپ كەلەدٸ. پالەستينالىق دەنساۋلىق ساقتاۋ ورگاندارى اتىستى توقتاتۋ كەلٸسٸمٸ جاسالعاننان بەرٸ كەمٸندە 1,4 مىڭ پالەستينالىق قازا تاپقانىن حابارلاعان. يزرايل تاراپى سوققىلاردىڭ حاماس نىساندارىنا باعىتتالعانىن مەلٸمدەيدٸ, ال حاماس بۇل ايىپتاۋلاردى جوققا شىعارادى.
جوسپار بويىنشا حاماس قارۋىن تاپسىرىپ, يزرايل ەسكەرٸ گازا اۋماعىنان بٸرتٸندەپ شىعارىلۋى تيٸس ەدٸ. كەيٸن انكلاۆتا ۋاقىتشا حالىقارالىق تۇراقتاندىرۋ كٷشتەرٸ قاۋٸپسٸزدٸكتٸ قامتاماسىز ەتٸپ, پالەستينالىق ازاماتتىق باسقارۋ قۇرىلىمى جۇمىس ٸستەۋٸ كٶزدەلگەن.
الايدا حاماس-تىڭ قارۋسىزدانۋى مەسەلەسٸ ەلٸ شەشٸلگەن جوق. حاماس قارۋىن اقش قولدايتىن پالەستينالىق تەحنوكراتييالىق ٷكٸمەتتٸڭ باقىلاۋىنا بەرۋگە دايىن ەكەنٸن بٸلدٸرگەنٸمەن, يزرايل بۇل ۇسىنىستى قابىلداماعان. يزرايل بيلٸگٸ حاماس تولىق قارۋسىزدانبايىنشا ەسكەردٸ شىعارمايتىنىن مەلٸمدەگەن.
گازاعا گۋمانيتارلىق كٶمەك كٶلەمٸ ارتقانىمەن, حالىقارالىق ۇيىمدار ونىڭ ەلٸ دە جەتكٸلٸكسٸز ەكەنٸن ايتىپ وتىر. Reuters كەلتٸرگەن دەرەككە سەيكەس, اتىستى توقتاتۋ كەزەڭٸنەن مامىر ايىنىڭ سوڭىنا دەيٸن گازاعا تەۋلٸگٸنە ورتا ەسەپپەن 227 جٷك كٶلٸگٸ كٸرگەن. بۇل ترامپ جوسپارى بەلگٸلەگەن ەڭ تٶمەنگٸ 600 جٷك كٶلٸگٸنەن ەكٸ ەسەدەن استام از.
انكلاۆتى قالپىنا كەلتٸرۋ جۇمىستارى دا تولىققاندى باستالعان جوق. قىركٷيەكتە گازاعا ارنالعان «بەيبٸتشٸلٸك كەڭەسٸ» العاشقى قالپىنا كەلتٸرۋ كەزەڭٸنە $2,45 ملرد بٶلۋدٸ جوسپارلاعان. الايدا ەۋروپالىق وداق پەن بۇۇ باعالاۋىنشا, الداعى ون جىلدا قالپىنا كەلتٸرۋ جۇمىستارىنا شامامەن $71,4 ملرد قاجەت.
Reuters سونىمەن قاتار گازا مەسەلەسٸنە بايلانىستى حالىقارالىق تۇراقتاندىرۋ كٷشتەرٸ ەزٸرگە تولىق قۇرىلماعانىن اتاپ ٶتەدٸ. وعان يندونەزييا, ماروككو, قازاقستان, البانييا, كوسوۆو جەنە ۋگاندا ٶز ەسكەري قىزمەتشٸلەرٸن جٸبەرۋگە دايىن ەكەنٸن بٸلدٸرگەن. ۇزاق مەرزٸمدٸ جوسپار بويىنشا كٷش قۇرامىندا 20 مىڭعا دەيٸن ەسكەري قىزمەتشٸ بولۋى مٷمكٸن.
ترامپتىڭ جوسپارى بويىنشا گازا تۇرعىندارىنىڭ انكلاۆتا قالۋىنا جاعداي جاساۋ كٶزدەلگەن. الايدا يزرايلدەگٸ كەيبٸر وڭشىل ساياساتكەرلەر پالەستينالىقتاردى «ەرٸكتٸ تٷردە كٶشٸرۋ» يدەياسىن قايتا كٶتەرٸپ وتىر. بۇل ۇسىنىس حالىقارالىق قاۋىمداستىق تاراپىنان كەڭ قولداۋ تاپقان جوق.
