Baǵany retteitin qyrǵyzdyń bilik oryndary kómir baǵasynyń qymbattaý máselesin qoǵamdyq talqylaýǵa salyp, qarpaiym qyrǵyzdy qazaqtarǵa qarsy qoiýǵa árekettenýde. Ekonomika ministrligi sońǵy bir ai ishinde kómir baǵasy 20 paiyzǵa ósip ketkenin alǵa tartyp otyr. Al eldiń soltústigi Talas óńirinde kómir 25 paiyzǵa deiin qymbattaǵan desedi.
Qyrǵyz biligi kómirdiń qymbattaýyna Qazaqstannyń kináli ekenin emeýrinmen bolsa da bildirdi. Ainalaiyn qyrǵyzdar, kómirdiń baǵasy qymbat dep jylai bermeńizder. Sol qara altynnyń baǵasy bizde de jalyna qol tigizbei tur.
Alda qylyshyn súiretip qys kele jatqanyn Almazbek myrza oilaýy kerek edi. Bizdi synap nesi bar? Biz ondaidy kótere almaimyz. Aitatyn áńgime quryp qaldy ma? Demokrtiialyq qundylyqty tý etip kótergen bashsy (osy joly Atambaevtyń qanshalyqty demokrat ekenin baiqadyq qoi) el halyqtyń taǵdyrymen bulaisha oinamasa kerek edi.
Menińshe, qyrǵyz biliginiń kómirdiń baǵasynyń kóterilýin halyqtyń talqylaýyna shyǵarýy saiasattan habary joq qarapaiym qyrǵyzdardy qazaqtarǵa qarsy qoiýdyń amaly siiaqty.
Áitpese, qyrǵyz biligi kómir baǵasyna qatysty máseleni qoǵamdyq talqylaýǵa shyǵarmai-aq, Astanaǵa kelip, jalynyp, jalpaiyp sheship ketýine bolar edi ǵoi? Muhtar Ábiliazovty talai ret keshirgen bizdiń Elbasymyz kek saqtamaityn, keshirimdi jan ekenin qyrǵyz biligi bilmeidi degenge kim senedi?
Qyrǵyzstandaǵy qazirgi jaǵdai Resei men AQSh-tyń arasyndaǵy dúrdarazdyqty eske túsiredi. Qyrymdy basyp alǵan orystar sanktsiianyń astynda qalǵan soń, qymbatshylyqqa urynyp, qatty kúizelgen qara halyqqa "munyń bárine Amerika kináli" dep qarqyndy propoganda júrgizip jatyr. Sol siiaqty qyrǵyz biligi de máseleni ońtaily sheshýdiń ornyna kómir máselesin talqylaýǵa shyǵaryp, qarpaiym halyq alydynda sýdan taza, sútten aq bolyp kórinýge tyrysyp jatyr. Budan neni ańǵaramyz? Óz basym budan qyrǵyz biliginiń týyndaǵan daý-sharlardy sheshýge qabiletsiz ekenin baiqaǵandai boldym.
Nurlan Jumahan
