قازاقستاندا اۋە بيلەتتەرى ءبىر جىلدا 24%-عا قىمباتتادى. بۇل تۋرالى energyprom.kz ساراپشىلارى مالىمدەدى، دەپ حابارلايدى Dalanews.kz.

كەيىنگى 12 ايدا بيلەت باعاسى 107-117% ارالىعىندا وزگەرىپ تۇرعان. بۇل دەرەكتەردى ۇلتتىق ستاتيستيكا بيۋروسىنىڭ "تالداۋ" جۇيەسى جاريالادى.

وڭىرلەردەگى جاعداي

• ەل بويىنشا ورتاشا قىمباتشىلىق 20% شاماسىندا.

• اتىراۋ جانە ماڭعىستاۋ وبلىستارىندا باعا 44%-دان اسقان.

• اباي وبلىسىندا كەرىسىنشە بيلەتتەر 7،5%-عا ارزانداعان.

ءىرى اۋە كومپانيالارى باعا وسۋىنە قاتىستى رەسمي سەبەپ كەلتىرمەگەن. تەك پارك كەڭەيتۋ، حالىقارالىق باعىتتاردى ارتتىرۋ، قىزمەت ساپاسىن كوتەرۋ تۋرالى اقپارات بەرەدى. بۇل شىعىن وسكەنىن جاناما تۇردە كورسەتەدى.

ۇكىمەت نە دەيدى؟

بۇعان دەيىن بيلەت قىمباتتاۋى مۇمكىن ەكەنى ايتىلدى. سەبەپتەر رەتىندە:

• ققس مولشەرى وزگەرۋى؛

• قوسالقى بولشەكتەردىڭ جانە ۇشاقتاردىڭ قىمباتتاۋى؛

• اۆياوتىن باعاسىنىڭ ءوسۋى ت.ب. كورسەتىلگەن.

وعان قوسا بۇل ماسەلە بىرنەشە رەت پارلامەنتتە تالقىلانعان.