ارمان جۇماگەلديەۆتٸڭ قىلمىستىق توبى الماتى قالاسىندا جاپپاي تەرتٸپسٸزدٸكتەر ۇيىمداستىرۋ جەنە ازاماتتاردى ۇرلاپ ەكەتۋ بويىنشا ايىپتالىپ, سوتتالدى, دەپ حابارلايدى Dalanews.kz.
27 قاڭتاردا الماتى قالاسى قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ارمان جۇماگەلديەۆتٸڭ قىلمىستىق توبىنىڭ باسشىلارى مەن قارۋلى توبىنىڭ مٷشەلەرٸنە, سونداي-اق قر ۇقك 5-بٶلٸمٸنٸڭ ەكس-باسشىسى رۋسلان ىسقاقوۆقا, الماتى قالاسى مەسليحاتىنىڭ ەكس-دەپۋتاتى قايرات قۇدايبەرگەنگە جەنە باسقا تۇلعالارعا قاتىستى قىلمىستىق ٸس قارالدى.
سوت 2016 جىلى ۇقك 5-بٶلٸمٸنٸڭ باسشىسى بولعان كەزٸندە ىسقاقوۆ ۇلتتىق قاۋٸپسٸزدٸك ورگاندارىنىڭ قولداۋىنا ۋەدە بەرٸپ, جۇماگەلديەۆتٸ ىنتىماقتاستىققا تارتقانىن انىقتادى.
ۇقك-نٸڭ قولداۋىنا يە بولعان جۇماگەلديەۆ قازاقستان اۋماعىندا جەنە ودان تىسقارى جەرلەردە قىلمىستىق ىقپالىن كەڭەيتۋ ماقساتىندا قىلمىستىق ۇيىم قۇرعان.
وسى ماقساتتا قىلمىستىق ۇيىمعا باستى رٶلدەرگە بۇرىننان تانيتىن, پسيحولوگييالىق تۇراقتىلىعى جوعارى, قىلمىستىق قۋدالاۋدان قورىقپايتىن جەنە فيزيكالىق دايىندىعى مىقتى ادامدار تارتىلدى.
جۇماگەلديەۆتٸڭ قىلمىستىق ۇيىمى مٷشەلەرٸ ۇيىمدىق, فۋنكتسيونالدىق جەنە اۋماقتىق تۇرعىدا بٶلٸنگەن توپتارعا بٶلٸنٸپ, تٸكەلەي وعان باعىندى.
ىسقاقوۆ باسقارعان ۇقك بٶلٸمشەسٸ جۇماگەلديەۆتٸڭ قىلمىستىق توبىنا بەسەكەلەس بٸرقاتار ۇيىمداسقان قىلمىستىق توپتاردى جويعانىمەن, جۇماگەلديەۆ توبىنىڭ زاڭسىز ەرەكەتتەرٸن توقتاتۋعا ەشقانداي شارا قولدانباعان.
2017 جىلدىڭ جەلتوقسانىنان باستاپ جۇماگەلديەۆ قىلمىستىق ۇيىمىن تٷركييا رەسپۋبليكاسىنان باسقارىپ, ۇيىم جەتەكشٸلەرٸ مەن مٷشەلەرٸنٸڭ جيىندارىن قازاقستاندا, تٷركييادا جەنە باە-دە ٶتكٸزگەن.
ۇيىم جٷيەلٸ تٷردە ىقپال اياسىن كەڭەيتۋ جەنە قارجىلىق پايدا تابۋ ماقساتىندا قۇربانداردى ٸزدەۋمەن اينالىستى. مىسالى, 2021 جىلدىڭ ماۋسىمىندا ۇيىم مٷشەلەرٸ تٷركٸستان وبلىسىنىڭ تۇرعىنىنىڭ 25 ملن تەڭگە قارىزى بار ەكەنٸن بٸلٸپ, ونى ۇرىپ-سوعىپ, 23 ملن تەڭگە تٶلەۋگە مەجبٷرلەگەن.
2022 جىلدىڭ باسىندا ىسقاقوۆ, جۇماگەلديەۆ جەنە قۇدايبەرگەن بيلٸكتٸ كٷشپەن باسىپ الۋ ماقساتىندا جاپپاي تەرتٸپسٸزدٸكتەردٸ ۇيىمداستىرۋعا باستى رٶل اتقارعان.
قاڭتار وقيعاسى كەزٸندە قۇدايبەرگەن «قازاقستان» قوناقٷيٸندە شتاب قۇرىپ, جۇماگەلديەۆ توبىن شاقىرىپ, ولاردى قارۋلى توپتىڭ ەرەكەتتەرٸن ٷيلەستٸرۋگە جۇمىلدىرعان.
سوت 2022 جىلدىڭ 5 قاڭتارىندا جۇماگەلديەۆتٸڭ توبى ەكٸ رەت الماتى قالاسىنىڭ رەسپۋبليكا الاڭىنا جينالىپ, جاپپاي تەرتٸپسٸزدٸككە قاتىسۋشىلاردى بٸرٸكتٸرۋ جەنە بيلٸككە تالاپ قويۋ ٷشٸن «حالىق كەڭەسٸن» قۇرۋدى جوسپارلاعانىن انىقتادى.
سوت 2022 جىلدىڭ قاڭتارىندا قىلمىستىق توپ بەيبٸت تۇرعىنداردى زاڭسىز ۇستاپ, ولاردى «قازاقستان» جەنە «The Ritz Carlton Almaty» قوناقٷيلەرٸندە قاماۋدا ۇستاعانىن انىقتادى. ۇستالعانداردى ۇرىپ-سوعىپ, مازاقتاپ, جالعان ايعاق بەرۋگە مەجبٷرلەگەن.
سوت شەشٸمٸمەن جۇماگەلديەۆ قر قك-نٸڭ بٸرنەشە باپتارى بويىنشا كٸنەلٸ دەپ تانىلىپ, 20 جىلعا باس بوستاندىعىنان ايىرىلدى. ىسقاقوۆ – 15,6 جىل, قۇدايبەرگەن – 8 جىل, توپ مٷشەلەرٸ – 10-15,5 جىلعا, باسقا قاتىسۋشىلار – 1,5-7 جىلعا سوتتالدى.
ٷكٸم زاڭدى كٷشٸنە ەنگەن جوق.
