قىلمىس جاساپ ەلدەن قاشقان كۇدىكتى ارمەنيادان ەكستراديسيالاندى، دەپ حابارلايدى Dalanews.kz.
باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى ارمەنيا رەسپۋبليكاسىنداعى ەلشىلىك كومەگىمەن بۇرىن بىرنەشە رەت سوتتالعان قازاقستاندىقتى ەريەۆاننان ەكستراديسيالادى.
2024 جىلى قىركۇيەكتە پەتروپاۆل قالاسىندا ول ماس كۇيدە بۇزاقىلىق نيەتپەن جابىرلەنۋشىنىڭ ماڭىزدى ورگاندارىنا پىشاقپەن بىرنەشە رەت جاراقات سالعان، جابىرلەنۋشى دارىگەرلەردىڭ ارقاسىندا امان قالعان.
"قىلمىس جاساعاننان كەيىن كۇدىكتى قىلمىستىق قۋدالاۋ ورگاندارىنان قاشىپ كەتكەن، سوندىقتان وعان حالىقارالىق ىزدەۋ جاريالانعان. بىلتىر قازاندا ول ارمەنيا اۋماعىندا ۇستالىپ، قازاقستان باس پروكۋراتۋراسىنىڭ سۇراۋ سالۋى بويىنشا وتانىنا ەكستراديسيالاندى"، - دەپ جازىلعان حابارلامادا.
ءقازىر كۇدىكتى ۋاقىتشا تەرگەۋ يزولياتورىنا قامالدى.
بۇل قىلمىستى جاساعانى ءۇشىن مۇلكىن تاركىلەۋ ارقىلى ون بەس جىلدان جيىرما جىلعا دەيiنگi مەرزiمگە باس بوستاندىعىنان ايىرۋ نە ءومiر بويىنا باس بوستاندىعىنان ايىرۋ ءتۇرiندەگi جازا كوزدەلگەن.
