Qylmys jasap elden qashqan kúdikti Armeniiadan ekstraditsiialandy, dep habarlaidy Dalanews.kz.
Bas prokýratýra men Ishki ister ministrliginiń qyzmetkerleri Armeniia Respýblikasyndaǵy elshilik kómegimen buryn birneshe ret sottalǵan qazaqstandyqty Erevannan ekstraditsiialady.
2024 jyly qyrkúiekte Petropavl qalasynda ol mas kúide buzaqylyq nietpen jábirlenýshiniń mańyzdy organdaryna pyshaqpen birneshe ret jaraqat salǵan, jábirlenýshi dárigerlerdiń arqasynda aman qalǵan.
"Qylmys jasaǵannan keiin kúdikti qylmystyq qýdalaý organdarynan qashyp ketken, sondyqtan oǵan halyqaralyq izdeý jariialanǵan. Byltyr qazanda ol Armeniia aýmaǵynda ustalyp, Qazaqstan Bas prokýratýrasynyń suraý salýy boiynsha Otanyna ekstraditsiialandy", - dep jazylǵan habarlamada.
Qazir kúdikti ýaqytsha tergeý izoliatoryna qamaldy.
Bul qylmysty jasaǵany úshin múlkin tárkileý arqyly on bes jyldan jiyrma jylǵa deiingi merzimge bas bostandyǵynan aiyrý ne ómir boiyna bas bostandyǵynan aiyrý túrindegi jaza kózdelgen.
