يتاليانىڭ تانىمال اكتريساسى ورنەللا ءمۋتيدى ءوزى جۇمىس ىستەيتىن ۆەردي قالاسىنىڭ تەاترى سوتقا بەردى. ول ساحنادا كەزەكتى ءرولىن سومداۋى ءتيىس كەزىندە جالعان مەديسينالىق انىقتاما جاساتىپ الىپ، ەل ارالاعانى اشكەرە بولىپ قالدى.
وسىلايشا تانىمال اكتريسا «ەڭبەك زاڭىن» ورەسكەل بۇزىپ، ايىپتى بولىپ قالعان جايى بار. ول تەاترداعى جۇمىسى ءۇشىن 25 مىڭ مىڭ ەۋرو گونوراردى كۇنى بۇرىن الىپ قويعان. زاڭ ورىندارى بولعان جاعدايدى مۇقيات تەرگەي كەلە اكتريسانى كىنالى دەپ تاپتى. جالعان مەديسينالىق انىقتاما جاساتىپ، «اۋىرعان» كەزىندە مۋتي پەتەربوردا امەريكاندىق اكتەر كيەۆين كوستنەرمەن بىرگە قايىرىمدىلىق كەشىنە قاتىسىپ، ۆلاديمير پۋتينمەن تاباقتاس بولعان. تەاتر اكىمشىلىگى بۇلتارتپاس ايعاق رەتىندە سوتقا بەينەتاسپانى ۇسىندى. بۇدان كەيىن ۆەردي قالاسىنىڭ اكىمشىلىك سوتى ورنەللا ءمۋتيدى سەگىز اي اباقتىعا قاماپ، 600 ەۋرو ايىپپۇل تولەۋ تۋراسىندا شەشىم شىعارعان. ءبىراق قىدىرىمپاز ءارتىستىڭ اباقتىعا وتىرماي، جازادان قۇتىلىپ كەتۋىنە بولادى. ول ءۇشىن ول 30 مىڭ ەۋرو تولەۋى ءتيىس. بۇعان دەيىن سالىق ورىندارى مۋتي حانىمنىڭ سالىقتان جالتارعانىن ايتىپ، ءبىر شۋدىڭ شەتىن شىعارعانى ەسىمىزدە.
