Italiianyń tanymal aktrisasy Ornella Mýtidi ózi jumys isteitin Verdi qalasynyń teatry sotqa berdi. Ol sahnada kezekti rolin somdaýy tiis kezinde jalǵan meditsinalyq anyqtama jasatyp alyp, el aralaǵany áshkere bolyp qaldy.
Osylaisha tanymal aktrisa «Eńbek zańyn» óreskel buzyp, aiypty bolyp qalǵan jaiy bar. Ol teatrdaǵy jumysy úshin 25 myń myń eýro gonorardy kúni buryn alyp qoiǵan. Zań oryndary bolǵan jaǵdaidy muqiiat tergei kele aktrisany kináli dep tapty. Jalǵan meditsinalyq anyqtama jasatyp, «aýyrǵan» kezinde Mýti Peterborda amerikandyq akter Kevin Kostnermen birge qaiyrymdylyq keshine qatysyp, Vladimir Pýtinmen tabaqtas bolǵan. Teatr ákimshiligi bultartpas aiǵaq retinde sotqa beinetaspany usyndy. Budan keiin Verdi qalasynyń ákimshilik soty Ornella Mýtidi segiz ai abaqtyǵa qamap, 600 eýro aiyppul tóleý týrasynda sheshim shyǵarǵan. Biraq qydyrympaz ártistiń abaqtyǵa otyrmai, jazadan qutylyp ketýine bolady. Ol úshin ol 30 myń eýro tóleýi tiis. Buǵan deiin salyq oryndary Mýti hanymnyń salyqtan jaltarǵanyn aityp, bir shýdyń shetin shyǵarǵany esimizde.
