قازۇۋ – الەمنىڭ ۇزدىك توپ-200 ۋنيۆەرسيتەتى قاتارىنا العاش ەنگەن جانە حالىقارالىق اكادەميالىق ساراپشىلاردىڭ دا، وتاندىق جۇمىس بەرۋشىلەردىڭ دە جوعارى باعاسىن العان قازاقستاندىق جالعىز جوعارى وقۋ ورنى. مۇنداي جەتىستىكتەر بولاشاققا ۇلكەن سەنىممەن قاراۋعا جانە جوعارى ماقساتتارعا ۇمتىلۋعا مۇمكىندىك بەرەدى.
قازۇۋ جاھاندىق ءعىلىمي-بىلىم بەرۋ قوعامداستىعىنا بەلسەندى ىقپالداسا وتىرىپ، ءوز كورسەتكىشتەرىن الەمنىڭ وزىق ءبىلىم وردالارىنىڭ حالىقارالىق ستاندارتتارىنا سايكەستەندىرۋ باعىتىندا ۇلكەن جۇمىس جۇرگىزۋدە. الەمدىك اكادەميالىق قوعامداستىقتىڭ مويىنداۋى – ۋنيۆەرسيتەتتىڭ جاھاندىق باسەكەگە قابىلەتتىلىگىن راستايدى جانە وعان قازۇۋ ۇجىمىنىڭ مىڭداعان قىزمەتكەرىنىڭ ءارقايسىسى ءوز ۇلەسىن قوسۋدا.
بيىلعى جىلى QS WUR ينستيتۋسيونالدىق رەيتينگىنە الەمنىڭ 97 ەلىنەن 1300 جوعارى وقۋ ورنى قاتىستى. ايتا كەتۋ كەرەك، قازۇۋ پاندەميانىڭ اسەرىنە قاراماستان QS by Subject رەيتينگىندە 11 پاندىك سالا بويىنشا پوزيسياسىن جاقسارتتى. سونداي-اق قازۇۋ وتە جوعارى باعاعا يە بولىپ، «QS Stars Rating System» حالىقارالىق رەيتينگىسىندە «بەس جۇلدىز» باسىمدىق بەلگىسىن يەلەنگەن ورتالىق ازياداعى العاشقى جانە جالعىز جوعارى وقۋ ورنى اتاندى.
