ءال-فارابي اتىنداعى قازۇۋ جانىنداعى جاڭا حيميالىق تەحنولوگيالار جانە ماتەريالدار عىلىمي-زەرتتەۋ ينستيتۋىتنىڭ عالىمدارى ەلىمىزدە وندىرىلەتىن قوڭىر كومىردەن گۋميندى قىشقىل الۋدىڭ تەحنولوگياسىن ويلاپ تاپتى، – دەپ حابارلايدى «مەملەكەتتىك ۇلتتىق عىلىمي-تەحنيكالىق ساراپتاما ورتالىعى» اق باسپا ءسوز قىزمەتى.
ماڭىزدى عىلىمي-زەرتتەۋ جۇمىسىنا ح.ع.د.، پروفەسسور ە.ا.اۋباكىروۆ جەتەكشىلىك جاساعان.
گۋميندى قىشقىل – مولەكۋلالىق قۇرىلىمى جوعارى تابيعي ورتادا ورگانيكالىق تۇردە كەزدەسەتىنى بەلگىلى. ول وسىمدىك شىرىندىلەرىنەن پايدا بولاتىندىقتان، گۋميندى قىشقىل ميكروورگانيزمدەرگە باي ءقاراشىرىندى، سۋ جانە وتتەگىدەن تۇرادى.
بۇگىندە گۋميندى قىشقىل ساۋىقتىراتىن قاسيەتكە يە بولعاندىقتان عالىمدار ونى مەديسينا مەن ۆەتەريناريا سالاسىندا كەڭىنەن قولدانىپ كەلە جاتقانىن بىلەمىز. ونىڭ قۇرامى 70 جۋىق پايدالى زات مەن 20-عا جۋىق امينقىشقىلدارى بار. سونىمەن قاتار گۋميندى قىشقىل پەپتيد، مينەرال، گورمون، پوليفەنول، حينونعا وتە باي.
جاقىندا قازۇۋ عالىمدارى ەلىمىزدەگى «قياقتى»، «وي قاراعاي»، «مامىت» كەنىشتەرىندەگى قوڭىر كومىردەن گۋميندى قىشقىل الۋعا بولاتىنىن عىلىمي تۇرعىدان دالدەپ بەردى. ولار كومىردى ۋلترادىبىستىق وڭدەۋدەن وتكىزىپ، گۋميندى قىشقىل الۋدىڭ تىڭ تەحنولوگياسىن ۇسىنۋدا. وسىلايشا قازاق عالىمدارى گۋميندى قىشقىل الۋدىڭ ءداستۇرلى جولىنىڭ ورىنىن باساتىن ءتيىمدى ءتاسىلدى تاۋىپ، عىلىمي ورتانىڭ قولداۋىنا يە بولدى.
الداعى ۋاقىتتا ۋلترادىبىستىق وڭدەۋ ارقىلى الىنعان گۋميندى قىشقىلدارىن مال شارۋاشىلىعى سالاسىندا جانۋارلاردىڭ ءوسۋىن جەدەلدەتەتىن ستيمۋلياتور جانە ميكروتىڭايتقىش رەتىندە پايدالانۋعا بولاتىنىن ايتۋدا.