ماراپاتتى تمد جەنە ورتالىق ازييا ەلدەرٸ بويىنشا QS رەيتينگتٸك اگەنتتٸگٸنٸڭ ايماقتىق ديرەكتورى سەرگەي حريستوليۋبوۆ قازۇۋ-دىڭ باسقارما تٶراعاسى – رەكتورى جانسەيٸت تٷيمەباەۆقا تابىستادى.
سەرگەي حريستوليۋبوۆ قازۇۋ-دىڭ سوڭعى جىلدارداعى جەتٸستٸكتەرٸن اتاپ ٶتٸپ, QS جاھاندىق رەيتينگٸندەگٸ تالاپتارعا توقتالدى.
– ەل-فارابي اتىنداعى قازۇۋ بيىل كٶپتەگەن تالاپتار بويىنشا ٶز كٶرسەتكٸشتەرٸن ەدەۋٸر جاقسارتتى. حالىقارالىق دەڭگەيدەگٸ رەيتينگتە 150-ورىنعا جايعاسۋ بۇل ٷلكەن كٶرسەتكٸش جەنە جەتٸستٸك. مۇنداي قازۇۋ تاريحىندا بولماعان. ۋنيۆەرسيتەتتٸڭ دامۋىنا سٷبەلٸ ٷلەس قوسىپ, ەڭبەك ەتكەن وقىتۋشى-پروفەسسورلار قۇرامى, عالىمدار مەن بارلىق ۇجىمعا العىسىمدى بٸلدٸرگٸم كەلەدٸ. بۇل سٸزدەردٸڭ ەڭبەكتەرٸڭٸز.
مەسەلەن, سٸزدەردٸڭ بٸلٸم وردالارىڭىز دامىعان مەملەكەتتەردٸڭ ۋنيۆەرسيتەتتەرٸ اراسىنان وزا شىعىپ الدىڭعى قاتارعا جايعاستى. بۇل بٸلٸم ورداسىندا اۋقىمدى جۇمىستار اتقارىلعانىن كٶرسەتەدٸ. شارا اياسىندا ۋنيۆەرسيتەتتٸڭ الداعى دامۋ جوسپارىمەن جەنە عالىمدار ەزٸرلەگەن عىلىمي-يننوۆاتسييالىق جوبالارىمەن تانىستىق. الداعى جۇمىستارىڭىزعا تابىس تٸلەيمٸن, – دەدٸ سەرگەي حريستوليۋبوۆ.
ٶز كەزەگٸدە ۋنيۆەرسيتەت باسشىسى جانسەيٸت تٷيمەباەۆ حالىقارالىق رەيتينگ قازاقستاندىق جوعارى وقۋ ورىندارى ٷشٸن جىل سايىن ٶز كٶرسەتكٸشتەرٸن جەتٸلدٸرۋگە مٷمكٸندٸك بەرەتٸنٸن جەتكٸزدٸ.
– بٸر جىل ٸشٸندە وقۋ ورنىمىز 175-ورىننان 25 پوزيتسيياعا جوعارىلادى. QS WUR جاھاندىق رەيتينگٸندەگٸ جاڭا كٶرسەتكٸشٸمٸز – 150-ورىن. بۇل بٸز ٷشٸن ٷلكەن جەتٸستٸك ەرٸ جوعارى جاۋاپكەرشٸلٸك. قازۇۋ – «QS Stars Rating System» حالىقارالىق رەيتينگٸسٸندە «بەس جۇلدىز» ماراپاتىن العان ورتالىق ازيياداعى العاشقى جەنە جالعىز جوعارى وقۋ ورنى.
سونداي-اق, QS by Subject پەندٸك رەيتينگٸسٸندە ۋنيۆەرسيتەت 4 پەن سالاسى مەن 16 دايىندىق باعىتى بويىنشا ٷزدٸكتەر قاتارىنا كٸرەدٸ. ۋنيۆەرسيتەتتٸڭ 137 بٸلٸم بەرۋ باعدارلاماسىنىڭ حالىقارالىق دەڭگەيدەگٸ بەسەكەگە قابٸلەتتٸلٸگٸن دەلەلدەيدٸ. بۇل ۋنيۆەرسيتەت ۇجىمىنىڭ كٶپ جىلعى جەنە كٷندەلٸكتٸ تىنىمسىز ەڭبەگٸنٸڭ نەتيجەسٸ, – دەپ اتاپ ٶتتٸ رەكتور.
سونداي-اق, ۋنيۆەرسيتەت باسشىسى بارلىق عالىمداردى, وقىتۋشى-پروفەسسورلار قۇرامى مەن قىزمەتكەرلەردٸ قۇتتىقتاپ, بۇل جەتٸستٸكپەن توقتاپ قالماي, مەجەلٸ ماقساتتارعا جەتۋ جولىندا تابىستى ەڭبەك ەتۋگە شاقىردى.
سونىمەن قاتار, ٸس-شارا بارىسىندا حيمييا جەنە حيمييالىق تەحنولوگييا فاكۋلتەتٸنٸڭ پروفەسسورى زۇلحاير مانسۇروۆ, Instituto Universitário de Lisboa پروفەسسورى پوستولاح وكتاۆيان, حالىقارالىق بٸلٸم بەرۋ امەريكاندىق كەڭەستەر ۇيىمىنىڭ جوعارى بٸلٸم بەرۋ باعدارلامالارىنىڭ باسقارۋشى ديرەكتورى گرەم حەتتلينگەر, كولۋمبييا ۋنيۆەرسيتەتٸنٸڭ دوكتورى ماماتا حانۋماپپا, حيمييا جەنە حيمييالىق تەحنولوگييا فاكۋلتەتٸنٸڭ اعا وقىتۋشىسى گەميل احمات, فيزيكا-ماتەماتيكا عىلىمدارىنىڭ دوكتورى, پروفەسسور مۋززامميل يلاحي جەنە دوكتورانت اريفيوگلۋ ابدۋرراحمان زەكي قازۇۋ ۇجىمىن قۇتتىقتاپ, جىلى لەبٸزدەرٸن بٸلدٸردٸ.
ايتا كەتەيٸك, QS WUR ەلەمنٸڭ ٷزدٸك ۋنيۆەرسيتەتتەرٸنٸڭ تٸزٸمٸ 2004 جىلدان بەرٸ جارييالانىپ كەلەدٸ. اعىمداعى جىلى رەيتينگكە ەلەمنٸڭ 100 ەلٸنەن 2,5 مىڭعا جۋىق جوو قاتىسقان بولاتىن.
