بۇگىن اباي ۋنيۆەرسيتەتىندە جاپون عالىمى توموحيكو ۋيامامەن كەزدەسۋ ءوتتى.  باسقوسۋ ءقازۇپۋ-دىڭ سەرىكتەس ۋنيۆەرسيتەتتەرمەن عىلىمي بايلانىستى نىعايتۋ ماقساتىندا تاريح جانە قۇقىق ينستيتۋتىنىڭ ۇيىمداستىرۋىمەن وتكەنىن ايتا كەتۋىمىز كەرەك. توموحيكو ۋيامامەن حوكايدو ۋنيۆەرسيتەتىنىڭ سلاۆيان ورتالىعىنىڭ ورتاازيالىق زەرتتەۋلەر پروفەسسورى بولىپ قىزمەت اتقارادى.  

كەزدەسۋگە اباي اتىنداعى قازۇپۋ-دىڭ الەۋمەتتىك دامۋ جونىندەگى پرورەكتورى شىڭعىس نۇرلانوۆ، تاريح جانە قۇقىق ينستيۋتتىنىڭ ديرەكتورى عابيت كەنجەبايەۆ جانە ينستيتۋت عالىمدارى مەن جاس ىزدەنۋشىلەرى، ءبىلىم الۋشىلارى قاتىستى.

عىلىمي جيىندا عالىم توموحيكو ۋياما جاپونيا سىرتقى ىستەر مينيسترلىگىنىڭ سىرتقى ساياسات تاريحى مۇراعاتىنانان الاش وردا قوزعالىسىنا قاتىستى ر.مارسەكەوۆ جايىندا تىڭ قۇجاتتار جانە قازاقستان تاريحىنا قاتىستى ءوزىنىڭ تاباندى زەرتتەۋلەرى تۋرالى ءدارىس وقىدى.

ءدارىس بارىسىندا جاپون ەلىنىڭ عالىمى ت. ۋياما 1919 جىلى قاڭتاردا جاپونيا ۇكىمەتىنە الاش وردانى (قازاق اۆتونوميالى ۇكىمەتىن) تانۋ جانە وعان كومەك كورسەتۋ تۋرالى ءوتىنىشىن، سونداي-اق سىرتقى ساياسات تاريحى مۇراعاتىنان الىنعان وسىعان بايلانىستى قۇجاتتار جايىندا بايانداداما جاسادى.

بۇل قۇجاتتاردا ر. مارسەكوۆ تا قازاقتاردىڭ بولاشاقتا كورشىلەس مۇسىلمان حالىقتارىمەن بىرگە تاۋەلسىز مەملەكەت قۇرۋعا دەگەن ۇمتىلىسىن ءبىلدىرىپ، الاش وردانىڭ پاريج بەيبىت كونفەرەنسياسىنا ءوز وكىلىن جىبەرۋ جونىندەگى جوسپارلارى تۋرالى اتاپ ءوتتى.

جيىنعا ەلىمىزدىڭ الاشتانۋشى عالىمدارى – ق ر ۇعا اكادەميگى، ت.ع.د.، پروفەسسور قويگەلدييەۆ مامبەت قۇلجاباي ۇلى، ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى «الاش» عىلىمي-زەرتتەۋ ينستيتۋتىنىڭ ديرەكتورى سۇلتان-حان اقق ۇلى قاتىسىپ ح.عابباسوۆ، ر.مارسەكوۆ، م.شوقاي تۋرالى ءوز زەرتتەۋلەرىندەگى وي-پىكىرلەرىمەن ءبولىستى.

جيىن سوڭىندا قاتىسۋشى عالىمدار مەن ءبىلىم الۋشىلاردىڭ ساۋالدارىنا جاۋاپ بەرىلدى. بۇل كەزدەسۋ قازاق مەملەكەتىلىك تاريحىندا ايشىقتى ورىن الاتىن الاش تاريحى بويىنشا قۇندى دەرەك بەرەتىن تالقىلاۋ بولدى.