قر بٸلٸم جەنە عىلىم مينيسترلٸگٸ جوعارى وقۋ ورىندارى ٷشٸن ماقۇلداعان Iاار رەيتينگٸ بٸلٸم بەرۋ ساپاسىن ارتتىرۋعا باعىتتالعان جەنە جوعارى وقۋ ورىندارىنىڭ بەسەكەگە قابٸلەتتٸلٸگٸن ارتتىرۋ جەنە بٸلٸم بەرۋ ساپاسىن جاقسارتۋ باعىتىنداعى كٶرسەتكٸش بولىپ تابىلادى.
وسىلايشا, اباي ۋنيۆەرسيتەتٸنٸڭ 5 وقىتۋشىسى ٶتكەن جىلدىڭ كٶرسەتكٸشتەرٸن جاقسارتىپ, قازاقستاننىڭ جوعارى وقۋ ورىندارىنىڭ پروفەسسور-وقىتۋشىلار قۇرامى باس رەيتينگٸنٸڭ توپ-50 عالىمدارىنىڭ قاتارىنا ەنٸپ, Abai University مەرتەبەسٸن ارتتىردى. ولار – ۆ.ن. كوسوۆ, ە. ا. بٶرٸباەۆ, ا. س. بەردىشەۆ, ج. ا. حامزينا جەنە ب. س. احمەتوۆ.
ەلٸمٸزدٸڭ جەتەكشٸ پەداگوگيكالىق ۋنيۆەرسيتەتٸ – اباي اتىنداعى قازۇپۋ سوڭعى جىلدارى ۇلتتىق جەنە حالىقارالىق رەيتينگتەرگە بەلسەنە قاتىسا وتىرىپ, تۇراقتى تٷردە جەتەكشٸ ورىندار الىپ كەلەدٸ.
بۇل رەتتە اتاقتى عالىمداردىڭ دا, ولاردىڭ جاس تالانتتى ەرٸپتەستەرٸنٸڭ دە زەرتتەۋلەرٸن قولداۋ ٷلكەن رٶل اتقارادى. عىلىمي-زەرتتەۋ ۋنيۆەرسيتەتٸ مەرتەبەسٸن الۋ ٷشٸن باسشىلىق ٶز قىزمەتٸنٸڭ عىلىمي باعىتىن جان-جاقتى دامىتۋدا.
اباي ۋنيۆەرسيتەتٸنٸڭ ٷزدٸك وقىتۋشىلارى ٶز جوبالارىن جٷزەگە اسىرۋ ٷشٸن مەملەكەتتٸك جەنە ۋنيۆەرسيتەتٸشٸلٸك گرانتتار الىپ, ەلەمنٸڭ جەتەكشٸ ۋنيۆەرسيتەتتەرٸندە عىلىمي تاعىلىمدامادان ٶتۋدە, رەسپۋبليكادا جەنە شەتەلدە ٶتەتٸن بايقاۋلارعا, تٷرلٸ عىلىمي شارالارعا قاتىسۋدا.
بٸلٸم الۋشىلارعا بەلگٸلٸ شەتەلدٸك عالىمدار مەن ساراپشىلار دەرٸس وقيدى, ولار دا قازاقستاندىق ەرٸپتەستەرٸمەن تەجٸريبە الماسادى. عىلىمي باعىتتى دامىتۋ جولىندا باسقا دا جۇمىستار جٷرگٸزٸلۋدە.
