بۇگىن اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە رەكتور تاكير بالىقبايەۆتىڭ باستاماسىمەن «شاپاعات» ستۋدەنتتەرگە ساندىق قىزمەت كورسەتۋ ورتالىعى اشىلدى.

ق ر ءبىلىم جانە عىلىم مينيسترلىگىنىڭ ۇسىنىسىمەن قازۇپۋ-دىڭ بايقاۋ كەڭەسىنىڭ شەشىمىنە سايكەس مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا كورسەتىلگەن مەملەكەتتىك قىزمەت كورسەتۋ ساپاسىن جاقسارتۋ جانە ءبىلىم بەرۋ جۇيەسىن وزگەرتۋ تۋرالى تاپسىرمالاردى ورىنداۋ اياسىندا اباي اتىنداعى قازۇپۋ-دىڭ «شاپاعات» ستۋدەنتتەرگە ساندىق قىزمەت كورسەتۋ ورتالىعى  قۇرىلدى.

«شاپاعات» ستۋدەنتتەرگە ساندىق قىزمەت كورسەتۋ ورتالىعىن سالتاناتتى تۇردە ۋنيۆەرسيتەت رەكتورى تاكير بالىقبايەۆ پەن الماتى قالاسى مەدەۋ اۋدانىنىڭ اكىمىنىڭ ورىنباسارى عاني مايلىبايەۆ اشتى.

تاكير بالىقبايەۆ ق ر تۇڭعىش پرەزيدەنتى كۇنى قارساڭىندا اشىلعان ساندىق قىزمەت كورسەتۋ ورتالىعىنىڭ اشىلۋ سالتاناتىمەن قۇتتىقتاي وتىرىپ، ورتالىقتىڭ قىزمەت كورسەتۋ جۇيەسىمەن تانىستىرىپ ءوتتى. ءسوز كەزەگىندە  عاني مايلىبايەۆ: «بۇگىنگى «شاپاعات» ورتالىعىنىڭ اشىلۋى كيەلى قارا شاڭىرىعىمىزداعى ايتۋلى وقيعا. بۇل تاكير وسپان ۇلىنىڭ ۋنيۆەرسيتەت قىزمەتىن جاڭالاندىرۋ باعىتىنا  قوسقان ۇلەسى. ستۋدەنتتەرگە ساندىق قىزمەت كورسەتۋ ورتالىعى قوعاممەن بايلانىستى جەتىلدىرۋ، ياعني ستۋدەنتتەردىڭ ۋاقىتىن، قارجىسىن ۇنەمدەۋ ماقساتىندا جاسالىنىپ جاتقان جاڭا جۇيە»، – دەپ اتاپ ءوتتى.



«شاپاعات» ورتالىعى كوپفۋنكسيونالدىق «ءبىر تەرەزە» قاعيداسى بويىنشا جۇمىس اتقاراتىن ورتالىق. مۇندا ستۋدەنتتەر، ماگيسترانتتار مەن دوكتورانتتار ستۋدەنتتىك، حالىقارالىق اكادەميالىق ۇتقىرلىق سەكتورى، تىركەۋشى كەڭسەسى، پاسپورت ۇستەلى، ەڭبەكپەن قامتۋ جانە استانا بانكى مەن قارجى  جانە ت.ب. قىزمەت  بولىمدەرى ۇسىنىلىپ، ارنايى مامانداردىڭ قولداۋىنا يە بولاتىن بولادى.

اتالمىش ورتالىقتا ورنالاسقان «استانا بانك» اق وكىلدەرى ستۋدەنتتەرگە «موبيلدىك ۇسىنىس» بويىنشا قىزمەت كورسەتەدى. بانك وكىلى ستۋدەنتتەر وقۋ اقىسىن موبيلدىك تەلەفون ارقىلى تولەيتىن مۇندىكتەرگە يە بولدى. شاكىرتاقىلارىن «Gold» كارتاسىمەن جانە جەكە تۇلعالارعا ارنالعان «موبيلدىك ۇسىنىس» ارقىلى قىزمەتتەر كورسەتىلەدى. قارجى تاپشىلىعىنان وقۋ اقىسىن تولەي الماعان ستۋدەنتتىڭ اتا-اناسىنا  ارنايى جەڭىلدىكپەن نەسيە بەرىلەدى. بانك تاراپىنان ستۋدەنتتەرگە سيفرلىق قىزمەت كورسەتۋ ورتالىعىنداعى «استانا بانك» اق وكىلدەرى جۇزەگە اسىرادى.

«شاپاعات»  ورتالىعىندا ستۋدەنتتەر، ماگيسترانتتار، دوكتورانتتار جانە اتا-انالار قاجەتتى قۇجاتتاردى، اۋىسۋ، قابىلداۋ سىندى انىقتامالار، ءبىلىم بەرۋ باعدارلامالارى بويىنشا كەڭەستەر، قارجىلىق جانە باسقا دا سۇراقتار  بويىنشا  اقپاراتتار الاتىن بولادى.

 

 

ريمما ابدىقادىر قىزى، قوعاممەن بايلانىس جونىندەگى ءبولىم باستىعىنىڭ ورىنباسارى