“قازسەلدەنقورعاۋ” مەكەمەسىنىڭ ەكس-باسشىسى اقتالىپ، ورىنباسارى سوتتالدى

قاراكوز امانتاي 24 ماۋ. 2024 13:57 1954

القابيلەر سوتى “قازسەلدەنقورعاۋ” مەملەكەتتىك مەكەمەسىنىڭ بۇرىنعى باسشىسى كارىم كوكرەكبايەۆتى اقتاپ شىقتى. ول وسىعان دەيىن بىرنەشە رەت پارا الدى دەپ ايىپتالعان. ەندى ونىڭ مەرزىمىن بۇرىنعى ورىنباسارى الدى، دەپ حابارلايدى Dalanews.kz.

سوت مالىمەتىنشە، "قازسەلدەنقورعاۋ" مەملەكەتتىك مەكەمەسىنىڭ بۇرىنعى باسشىسى ك. مەن ونىڭ ورىنباسارى ا. وزدەرىنىڭ قىزمەتتىك وكىلەتتىكتەرىنە كىرەتىن ارەكەتتەرى مەن ارەكەتسىزدىگى ءۇشىن الدىن الا ءسوز بايلاسۋ ارقىلى ادامدار توبىندا اسا ءىرى مولشەردە پارا العانى ءۇشىن، سونداي-اق جالپى قامقورلىعى ءۇشىن ايىپتالدى (قك-نىڭ 366-بابى 3-بولىگىنىڭ 3-تارماعى).

“سونىمەن قاتار، ك.-عا ءبىر ارەكەتتەردى بىرنەشە رەت جاساعانى ءۇشىن ايىپ تاعىلدى (قك-نىڭ 366-بابىنىڭ 4-بولىگى).

ج ش س ديرەكتورى پ.-عا الداۋ جانە سەنىمگە قيانات جاساۋ ارقىلى مۇلىكتىك زالال كەلتىردى، ۇرلىق بەلگىلەرى بولماعان كەزدە، ءوزىنىڭ قىزمەتتىك بابىن پايدالانىپ، ءىرى كولەمدە زيان كەلتىردى (قك-نىڭ 195-بابىنىڭ 4-بولىگى 2-تارماعى) جانە لاۋازىمدى تۇلعاعا جەكە باسىنا اسا ءىرى مولشەردە اقشا تۇرىندەگى پارا بەردى دەگەن ايىپ تاعىلدى (قك-نىڭ 367-بابىنىڭ 4-بولىگى)”، - دەلىنگەن الماتى وبلىسى سوتىنىڭ باسپا ءسوز قىزمەتى تاراتقان حابارلامادا.

سوتپەن مىنانداي ماسەلەلەردىڭ شەشىمى انىقتالدى.

2022 جىلعى 22 جەلتوقساندا سوتتالۋشى ا. مم باسشىسىنىڭ ورىنباسارى بولا تۇرا، ءوزىنىڭ قىزمەتتىك مۇمكىندىكتەرىن پايدالانا وتىرىپ، سەلدەن قورعاۋ بوگەتتەرىن سالۋعا شارت جاسالعان مەردىگەر ۇيىمنىڭ ديرەكتورى ج.-دان پارا العان.

جۇمىستىڭ ورىندالعانى تۋرالى اكتىلەرگە كەدەرگىسىز قول قويۋ جانە جالپى قامقورلىق ءۇشىن پارا بەرۋشى 397 621 اقش دوللارىنان استام اقشا بەرگەن.

ال سوتتالۋشى پ.، ج ش س ديرەكتورى بولا تۇرا، جۇمىستىڭ ورىندالعانى تۋرالى اكتىلەرگە كەدەرگىسىز قول قويۋ جانە جالپى قامقورلىق ءۇشىن مم باسشىسىنىڭ ورىنباسارىنا 397 621 اقش دوللارى كولەمىندە پارا بەرگەن.

القابيلەر القاسى ناتيجەسىندە مىنانداي شەشىم (كوپشىلىك داۋىسپەن) شىعاردى:

ك. وزىنە تاعىلعان ايىپتار بويىنشا اقتالدى.

“قك-نىڭ 366-بابىنىڭ 4-بولىگى بويىنشا كىنالى دەپ تانىلعان ا.-عا مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 11 جىلعا باس بوستاندىعىنان ايىرۋ جازاسى تاعايىندالدى.

2022 جىلعى 5 جەلتوقسانداعى ەپيزود بويىنشا قك-نىڭ 366-بابىنىڭ 4-بولىگىمەن سوتتالۋشى ا. اقتالدى.

پ. قك-نىڭ 367-بابىنىڭ 4-بولىگى بويىنشا كىنالى دەپ تانىلىپ، مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 11 جىلعا باس بوستاندىعىنان ايىرۋ جازاسى تاعايىندالدى.

2022 جىلعى 5 جەلتوقسانداعى ەپيزودقا بويىنشا قك-نىڭ 367-بابىنىڭ 4-بولىگى جانە قك-نىڭ 195-بابىنىڭ 4 بولىگىنىڭ 2 تارماعى بويىنشا سوتتالۋشى پ. اقتالدى”، - دەپ حابارلايدى وبلىستىق سوت.

ۇكىم جاريالانعان كۇننەن باستاپ 15 تاۋلىك ىشىندە اۋداندىق سوت ارقىلى الماتى وبلىستىق سوتىنا شاعىمدانىپ، نارازىلىق ءبىلدىرىلۋى مۇمكىن.


ۇسىنىلعان
سوڭعى جاڭالىقتار