Alqabıler soty “Qazseldenqorǵaý” memlekettik mekemesiniń burynǵy basshysy Kárim Kókrekbaevty aqtap shyqty. Ol osyǵan deıin birneshe ret para aldy dep aıyptalǵan. Endi onyń merzimin burynǵy orynbasary aldy, dep habarlaıdy Dalanews.kz.
Sot málimetinshe, "Qazseldenqorǵaý" memlekettik mekemesiniń burynǵy basshysy K. men onyń orynbasary A. ózderiniń qyzmettik ókilettikterine kiretin áreketteri men áreketsizdigi úshin aldyn ala sóz baılasý arqyly adamdar tobynda asa iri mólsherde para alǵany úshin, sondaı-aq jalpy qamqorlyǵy úshin aıyptaldy (QK-niń 366-baby 3-bóliginiń 3-tarmaǵy).
“Sonymen qatar, K.-ǵa bir áreketterdi birneshe ret jasaǵany úshin aıyp taǵyldy (QK-niń 366-babynyń 4-bóligi).
JSHS dırektory P.-ǵa aldaý jáne senimge qıanat jasaý arqyly múliktik zalal keltirdi, urlyq belgileri bolmaǵan kezde, óziniń qyzmettik babyn paıdalanyp, iri kólemde zıan keltirdi (QK-niń 195-babynyń 4-bóligi 2-tarmaǵy) jáne laýazymdy tulǵaǵa jeke basyna asa iri mólsherde aqsha túrindegi para berdi degen aıyp taǵyldy (QK-niń 367-babynyń 4-bóligi)”, - delingen Almaty oblysy sotynyń baspasóz qyzmeti taratqan habarlamada.
Sotpen mynandaı máselelerdiń sheshimi anyqtaldy.
2022 jylǵy 22 jeltoqsanda sottalýshy A. MM basshysynyń orynbasary bola tura, óziniń qyzmettik múmkindikterin paıdalana otyryp, selden qorǵaý bógetterin salýǵa shart jasalǵan merdiger uıymnyń dırektory J.-dan para alǵan.
Jumystyń oryndalǵany týraly aktilerge kedergisiz qol qoıý jáne jalpy qamqorlyq úshin para berýshi 397 621 AQSH dollarynan astam aqsha bergen.
Al sottalýshy P., JSHS dırektory bola tura, jumystyń oryndalǵany týraly aktilerge kedergisiz qol qoıý jáne jalpy qamqorlyq úshin MM basshysynyń orynbasaryna 397 621 AQSH dollary kóleminde para bergen.
Alqabıler alqasy nátıjesinde mynandaı sheshim (kópshilik daýyspen) shyǵardy:
K. ózine taǵylǵan aıyptar boıynsha aqtaldy.
“QK-niń 366-babynyń 4-bóligi boıynsha kináli dep tanylǵan A.-ǵa memlekettik qyzmette laýazymdardy atqarý quqyǵynan ómir boıyna aıyra otyryp, 11 jylǵa bas bostandyǵynan aıyrý jazasy taǵaıyndaldy.
2022 jylǵy 5 jeltoqsandaǵy epızod boıynsha QK-niń 366-babynyń 4-bóligimen sottalýshy A. aqtaldy.
P. QK-niń 367-babynyń 4-bóligi boıynsha kináli dep tanylyp, memlekettik qyzmette laýazymdardy atqarý quqyǵynan ómir boıyna aıyra otyryp, 11 jylǵa bas bostandyǵynan aıyrý jazasy taǵaıyndaldy.
2022 jylǵy 5 jeltoqsandaǵy epızodqa boıynsha QK-niń 367-babynyń 4-bóligi jáne QK-niń 195-babynyń 4 bóliginiń 2 tarmaǵy boıynsha sottalýshy P. aqtaldy”, - dep habarlaıdy oblystyq sot.
Úkim jarıalanǵan kúnnen bastap 15 táýlik ishinde aýdandyq sot arqyly Almaty oblystyq sotyna shaǵymdanyp, narazylyq bildirilýi múmkin.
