باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى «قازپوشتا» اق قىزمەتىندە قازاقستان رەسپۋبليكاسى اكىمشىلىك راسىمدىك-پروسەستىك كودەكسى تالاپتارىنىڭ ساقتالۋىنا، سونداي-اق ستاتيستيكالىق ەسەپتىڭ دۇرىستىعىنا تەكسەرۋ جۇرگىزدى.

تەكسەرۋ بارىسىندا جولدانىمداردى تىركەمەۋدىڭ 10 مىڭنان استام فاكتىسى، 2 مىڭعا جۋىق مەملەكەتتىك قۇقىقتىق ستاتيستيكانى بۇرمالاۋ، 249-جولدانىمداردى ۋاقتىلى تىركەمەۋ، وتىنىشتەردى قاراۋ مەرزىمدەرىن بۇزۋدىڭ 94 فاكتىسى جانە وزگە دە كەمشىلىكتەر انىقتالدى.

بۇدان باسقا، «قازپوشتا» اق پايدالاناتىن ەلەكتروندىق قۇجات اينالىمى جۇيەسىن قۇجاتتاۋ، پايدالانۋ ءتارتىبىن رەتتەيتىن قۇقىقتىق اكتىلەر اكىمشىلىك راسىمدىك-پروسەستىك كودەكسىنىڭ تالاپتارىنا سايكەس كەلمەگەنى انىقتالدى.

تەكسەرۋ ناتيجەلەرى بويىنشا كوميتەت جانە ونىڭ اۋماقتىق ورگاندارى زاڭدىلىقتىڭ بۇزىلۋىن جويۋ تۋرالى 21 ۇسىنۋ ەنگىزدى، 20 اكىمشىلىك ءىس قوزعالدى.

قاداعالاۋ اكتىلەرىنىڭ قارالۋ ناتيجەسىندە 48قىزمەتكەر تارتىپتىك جاۋاپكەرشىلىككە جانە 20-سى اكىمشىلىك جاۋاپتىلىققا تارتىلدى.

سونىمەن قاتار، قۇقىق قورعاۋ ورگاندارىنا حابارلانباعان بوتەننىڭ مۇلكىن ۇرلاۋ، سونداي-اق الاياقتىق فاكتىلەرى انىقتالدى، وسىلايشا اتالعان قىلمىستىق قۇقىق بۇزۋشىلىقتار ەسەپكە الىنباي، ولار بويىنشا پروسەستىك شەشىم قابىلدانباعان.

وسى رەتتە، كوميتەتتىڭ باستاماسى بويىنشا «قازپوشتا» اق فيليالدارى ارقىلى جىبەرىلگەن سالەمدەمەلەردى ۇرلاۋدىڭ 3 فاكتىسى، سونداي-اق كوممۋنالدىق قىزمەتتەردى تولەۋ ءۇشىن قابىلدانعان اقشالاي قاراجاتتى ۇرلاۋ دەرەگى سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە تىركەلدى.