Bas prokýratýranyń Quqyqtyq statistika jáne arnaiy esepke alý jónindegi komiteti «Qazposhta» AQ qyzmetinde Qazaqstan Respýblikasy Ákimshilik rásimdik-protsestik kodeksi talaptarynyń saqtalýyna, sondai-aq statistikalyq eseptiń durystyǵyna tekserý júrgizdi.
Tekserý barysynda joldanymdardy tirkemeýdiń 10 myńnan astam faktisi, 2 myńǵa jýyq memlekettik quqyqtyq statistikany burmalaý, 249-joldanymdardy ýaqtyly tirkemeý, ótinishterdi qaraý merzimderin buzýdyń 94 faktisi jáne ózge de kemshilikter anyqtaldy.
Budan basqa, «Qazposhta» AQ paidalanatyn elektrondyq qujat ainalymy júiesin qujattaý, paidalaný tártibin retteitin quqyqtyq aktiler Ákimshilik rásimdik-protsestik kodeksiniń talaptaryna sáikes kelmegeni anyqtaldy.
Tekserý nátijeleri boiynsha Komitet jáne onyń aýmaqtyq organdary zańdylyqtyń buzylýyn joiý týraly 21 usyný engizdi, 20 ákimshilik is qozǵaldy.
Qadaǵalaý aktileriniń qaralý nátijesinde 48qyzmetker tártiptik jaýapkershilikke jáne 20-sy ákimshilik jaýaptylyqqa tartyldy.
Sonymen qatar, quqyq qorǵaý organdaryna habarlanbaǵan bótenniń múlkin urlaý, sondai-aq alaiaqtyq faktileri anyqtaldy, osylaisha atalǵan qylmystyq quqyq buzýshylyqtar esepke alynbai, olar boiynsha protsestik sheshim qabyldanbaǵan.
Osy rette, Komitettiń bastamasy boiynsha «Qazposhta» AQ filialdary arqyly jiberilgen sálemdemelerdi urlaýdyń 3 faktisi, sondai-aq kommýnaldyq qyzmetterdi tóleý úshin qabyldanǵan aqshalai qarajatty urlaý deregi Sotqa deiingi tergep-tekserýlerdiń biryńǵai tizilimine tirkeldi.
