ۆەب كەڭٸستٸكتە مۇنى DDoS شابۋىل دەيدٸ. بٷتٸن بٸر ەلدٸڭ عالامتور كەڭٸستٸگٸنە زاقىم كەلتٸرۋدە كٶزدەيتٸن قاسقٶيلەر بەلگٸلٸ بٸر ينتەرنەت رەسۋرسقا نەمەسە سالالىق پورتالعا جويقىن ترافيكتٸ «تٶگە سالادى».
سونىڭ سالدارىنان عالامتورعا كٸرۋ قيىنداپ, جەلٸ مٷلدە ٸستەن شىعادى. ينتەرنەت سەرۆيستەردٸڭ قىزمەتٸ باياۋلايدى.
بۇعان تٶتەپ بەرۋ ٷشٸن وسىدان بٸراز بۇرىن ٷكٸمەت «كيبەرقالقان» جٷيەسٸن ەزٸرلەگەن. ەلدٸڭ ينتەرنەت كەڭٸستٸگٸن كٷزەتەتٸن وسىناۋ كەشەننٸڭ جۇمىسىن «مەملەكەتتٸك تەحنيكالىق قىزمەت» اگەنتتٸگٸ قاداعالايدى.
جەلٸلٸك ترافيكتٸ ۇدايى سٷزگٸدەن ٶتكٸزٸپ, كٷدٸكتٸ كونتەنتتٸڭ جولىن بٶگەيتٸن اگەنتتٸك ماماندارى كيبەرشابۋىلعا قارسى كٷندٸز-تٷنٸ كٶز ٸلمەي كٷرەسەدٸ.
«كيبەرقالقان» كەشەنٸنٸڭ كٶمەگٸمەن ٸشكٸ جەنە سىرتتان كەلەتٸن ترافيك مۇقييات تەكسەرٸلٸپ, قاۋٸپتٸ باعدارلامالار بۇعاتتالىپ وتىرادى.
سٶزٸمٸزگە دەلەل, ٶتكەن ايدا (5 قىركٷيەك پەن 5 قازان ارالىعى, رەد) كەشەننٸڭ كٶگٸمەن 20 ملن-عا جۋىق كيبەرشابۋىلدىڭ بەتٸ قايتارىلعان. «مەملەكەتتٸك تەحنيكالىق قىزمەت» اگەنتتٸگٸ ماماندارىنىڭ اتاپ ٶتكەنٸندەي مۇنداي ارانداتۋلاردىڭ سانى سايلاۋ قارساڭىندى كٷرت ٶسٸپتٸ.
«قازنەتتٸ ٸستەن شىعارۋدى كٶزدەيتٸن مۇنداي شابۋىلداردىڭ تاساسىندا ەلدٸڭ ٸرگەسٸن سٶگٸلتۋدٸ كٶزدەيتٸن پاسىق پيعىلدى توپتاردىڭ تۇرعانى انىق. DDoS شابۋىلداردىڭ تٷپكٸ ماقساتى دا وسى. ەلگٸندەي توپتاردىڭ ارتىندا بوتتاردان قۇرالعان مىڭ سان ەسكەر بار. «كيبەرقالقان» كەشەنٸنٸڭ كٶمەگٸمەن وسى كٷنگە دەيٸن ميلليونداعان حاكەرلٸك شابۋىلدىڭ جولى كەسٸلدٸ», – دەيدٸ Dalanews-كە پٸكٸر بٸلدٸرگەن ٸت مامان باقىت جٷسٸپوۆ.
«مەملەكەتتٸك تەحنيكالىق قىزمەتتٸڭ» مەلٸم ەتكەنٸندەي مۇنداي شابۋىلدار سايلاۋ قارساڭىندا بٷگٸنگٸدەن بەتەر ٷدەي تٷسۋٸ مٷمكٸن.
ايتا كەتەلٸك, پرەزيدەنت توقاەۆ ەلٸمٸزدٸڭ كيبەرقاۋٸپسٸزدٸگٸن كٷشەيتۋ مەسەلەسٸنە بٸرنەشە مەرتە توقتالىپ, سمايىلوۆ ٷكٸمەتٸنە تيٸستٸ تاپسىرما بەرگەن ەدٸ.
سىرتتان تٶنەتٸن قاۋٸپ-قاتەردٸ سٶز ەتكەن مەملەكەت باسشىسى:
«حاكەرلٸك شابۋىلداردىڭ باستى ماقساتى ەل ٸشٸندە دٷربەلەڭ ورناتۋ. سىرتقى كٷشتەردٸڭ جىمىسقى جوسپارىن جٷزەگە اسىرۋعا جول بەرمەيمٸز. كيبەرقاۋٸپسٸزدٸكتٸ كٷشەيتۋگە باسىمدىق بەرٸلەدٸ» دەگەن ەدٸ.
