"قازمۇنايگاز" ۇك اق جاڭاٶزەن قالاسىنداعى «ٶزەنمۇنايگاز» اق-داعى جاعدايعا قاتىستى مەلٸمدەمە جاسادى, دەپ حابارلايدى Dalanews.kz.
ۇلتتىق كومپانييانىڭ باسپاسٶز قىزمەتٸنٸڭ دەرەگٸنشە, بيىلعى 12 قاراشادا «ٶزەنمۇنايگاز» اق-عا قاراستى بۇرعىلاۋ جۇمىستارى باسقارماسى (بجب) قىزمەتكەرلەرٸنٸڭ كەسٸپوداعى رۇقساتسىز اكتسييا ۇيىمداستىرىپ, بٸرقاتار تالاپ قويعان. ٶزەنمۇنايگاز باسشىلىعى بجب جۇمىسشىلارىمەن تۇراقتى تٷردە كەلٸسسٶز جٷرگٸزٸپ كەلەدٸ.
سونىمەن قاتار, 2024 جىلى 3 جەلتوقساندا «قازمۇنايگاز» ۇك اق باسقارما تٶراعاسىنىڭ ورىنباسارى بەكزات ابايىلدانوۆ بۇرعىلاۋ جۇمىستارى باسقارماسى قىزمەتكەرلەرٸمەن كەزدەسٸپ, ولاردى جۇمىسقا شىعۋعا شاقىردى. كەلٸسسٶز قورىتىندىسى بويىنشا حاتتاما جاسالدى:
- رۇقساتسىز اكتسيياعا قاتىسقان بجب قىزمەتكەرلەرٸ تولىق قۇرامدا جۇمىسقا شىعۋى كەرەك.
2. حاتتامانىڭ بٸرٸنشٸ تارماعى ورىندالعان جاعدايدا, جۇمىسشىلارعا قمگ جەنە ٶمگ تاراپىنان تەرتٸپتٸك جازا قولدانىلمايدى;
3. بارلىق قويىلعان تالاپ قر زاڭناماسىنا سەيكەس بٸتٸمگەرلٸك كوميسسييا وتىرىسىندا قارالسىن.
حاتتاما رۇقساتسىز اكتسيياعا شىققان جۇمىسشىلاردىڭ نازارىنا جەتكٸزٸلدٸ. الايدا, ٶمگ بجب كەسٸپوداق تٶراعاسى وعان قول قويۋدان باس تارتتى.
قر زاڭناماسىنا سەيكەس ەڭبەك قاتىناستارى ٷشٸنشٸ تۇلعالاردىڭ ارالاسۋىنسىز تٸكەلەي جۇمىس بەرۋشٸ مەن جۇمىسشىلار اراسىندا رەتتەلۋٸ تيٸس ەكەنٸن حابارلايمىز.
سونىمەن قاتار «قازمۇنايگاز» كوماپنيياسىنىڭ تەلەگرام ارناسىنا جارييالانعان حابارلامادا ٶمگ زەينەتكەرلەرٸنٸڭ (بۇرىنعى قىزمەتكەرلەرٸنٸڭ) بالالارى كومپانييانىڭ شتاتىنا تٸكەلەي الىنسا, 2020 جىلى بەكٸتٸلگەن جۇمىسقا ورنالاسۋ الگوريتمٸن بۇزالاتىنىن العا تارتقان ەدٸ. مۇندا «الگوريتمگە سەيكەس ٶمگ زەينەتكەرلەرٸنٸڭ بالالارى مەن جۇمىسسىز ازاماتتار 50/50 پروپورتسيياسى بويىنشا تەڭ دەرەجەدە جۇمىسقا قابىلدانادى. بۇل تالاپتى ورىنداۋ مٷمكٸن ەمەس, ٶيتكەنٸ جۇمىسقا ورنالاسۋ كەزەگٸن كٷتٸپ وتىرعان جاڭاٶزەن قالاسىنىڭ باسقا جۇمىسسىز تۇرعىندارىنىڭ قۇقىعىن بۇزادى» دەلٸنگەن.
بۇدان باسقا حابارلامادا زەينەتكە ەرتە شىققاندا تٶلەم مٶلشەرٸن 300 اەك ۇلعايتۋ مەسەلەسٸنە قاتىستى دا جاۋاپ قايتارىلىپتى. «ٶمگ-دە جۇمىسشىلارعا مەرزٸمٸنەن بۇرىن زەينەتكە شىعۋعا مٷمكٸندٸك بەرەتٸن ارنايى باعدارلاما بار. زەينەت جاسىنا جاقىنداعان قىزمەتكەرلەرگە ارنالعان باعدارلامانىڭ تالاپتارى ايلىق ەسەپتٸك كٶرسەتكٸشكە (اەك), مۇنايشىنىڭ ٶتٸلٸ مەن جاسىنا بايلانىستى, سونىمەن قاتار وتباسى مٷشەسٸن جۇمىسقا ورنالاستىرۋ مٷمكٸندٸگٸ دە قاراستىرىلعان.
تٶلەم مٶلشەرٸ جۇمىسشىنىڭ ٶتٸلٸنە جەنە زەينەتكە شىعۋعا دەيٸن قالعان ايلار سانىنا بايلانىستى اەك نەگٸزٸندە ەسەپتەلەدٸ. بۇل رەتتە, تٶلەماقىنىڭ ەڭ جوعارى مٶلشەرٸ 125 اەك – 40 جىلدان استام ەڭبەك ٶتٸلٸ بار قىزمەتكەرلەر ٷشٸن بەلگٸلەنگەن.
مىسالى, ٶمگ-دە 40 جىلدان استام جۇمىس ٸستەگەن قىزمەتكەر بٷگٸندە 60 جاسقا كەلٸپ ەرتە زەينەتكە شىقسا, 16,6 ملن تەڭگە الادى» دەلەنٸگەن حابارلامادا.
جۇمىسشىلار كەسٸپوداعى قويىپ وتىرعان تالاپ – اەك مٶلشەرٸن 125-تەن 300 اەك-كە دەيٸن ۇلعايتۋ, بۇل تٶلەم مٶلشەرٸن ەكٸ ەسەدەن استامعا ارتتىراتىنى بەلگٸلٸ. الايدا كومپانييا مۇنايشىلارعا قازٸردٸڭ ٶزٸندە جاقسى جاعداي جاسالعانىن, بٸر قىزمەتكەرگە كٶرسەتٸلەتٸن ەلەۋمەتتٸك قولداۋ مٶلشەرٸ – ەڭ جوعارى كٶرسەتكٸشكە سەيكەس كەلەتٸنٸن العا تارتىپتى.
بۇدان باسقا ۇڭعىمالارعا قىزمەت كٶرسەتۋ باسقارماسى جانىنان 1000 ورىندىق ارنايى تەحنيكانى جٶندەيتٸن بازا سالۋ ٸسٸنە قاتىستى دا «قازمۇنايگاز» اق ٶز ۇستانىمىن اشىق بٸلدٸرٸپتٸ.
«ٶمگ جىل سايىن ارنايى تەحنيكانى جاڭارتىپ وتىرادى. قازٸرگٸ ۋاقىتتا بۇرعىلاۋ جۇمىستارى باسقارماسىنىڭ تەحنيكاسىن قوسا العاندا, اۆتوپاركتٸڭ 65% جاڭارتىلدى. 2022-2024 جىلدار ارالىعىندا بۇعان 22 ملرد تەڭگەدەن اسا قارجى جۇمسالدى, ال 2029 جىلعا دەيٸن تاعى 53 ملرد تەڭگەدەن استام بٶلٸنەتٸن بولادى. تەحنيكانى جاڭارتۋدىڭ نەتيجەسٸندە جٶندەۋ جۇمىستارى ازايدى, سوندىقتان جۇمىسشىلار تالاپ ەتكەندەي جاڭا جٶندەۋ بازاسىن سالۋ تيٸمسٸز بولىپ وتىر. ارنايى تەحنيكانى جاڭارتۋ جۇمىستارى قمگ توبىنىڭ بارلىق كومپانيياسىندا جٷرگٸزٸلٸپ جاتىر» دەپ «قازمۇنايگاز» بۇعان دا ناقتى جاۋاپ قايتارىپتى.
سونداي-اق, مۇنايشىلار كٶتەرگەن ۇجىمدىق شارتتىڭ 2013 جىلعى رەداكتسيياسىن قايتارۋ جەنە دەربەس ەڭبەكاقى تٶلەۋ جٷيەسٸنە ٶتۋ مەسەلەسٸنە قاتىستى تٶمەندەگٸدەي جاۋاپ قايتارىلعان.
«كەسٸپوداق 2013 جىلى قولدانىستا بولعان ٶمگ ۇجىمدىق شارتىنىڭ 5.19 تارماعىن قايتارۋدى ۇسىنادى. بۇل تارماق بويىنشا جەكە تابىس سالىعى مەن مٸندەتتٸ زەينەتاقى جارنالارى جۇمىس بەرۋشٸنٸڭ ەسەبٸنەن تٶلەنٸپ كەلگەن. ال 2017 جىلدان بەرٸ قىزمەتكەرلەرگە جالاقى سالىق ۇستالعاننان كەيٸن بەرٸلەدٸ, بۇل قر زاڭناماسىنا تولىعىمەن سەيكەس كەلەدٸ.
2024 جىلدىڭ شٸلدەسٸندە ٶزەنمۇنايگاز كومپانيياسىندا ەڭبەكاقى تٶلەۋدٸڭ جاڭا جٷيەسٸنە ٶتۋ جۇمىستارى باستالدى. كەسٸپوداقتار مەن قر ەڭبەك مينيسترلٸگٸنٸڭ قاتىسۋىمەن كٷردەلٸ جۇمىستى ەدٸل باعالاۋعا نەگٸزدەلگەن ەرەجەلەر ەزٸرلەندٸ. قازٸرگٸ ۋاقىتتا ٶمگ ٸشٸندە ٶزارا كەلٸسٸمدەر جٷرٸپ جاتىر» دەلٸنگەن حابارلامادا.
