بيىل ءساۋىر ايىندا «قازمۇنايگاز» سۋ تاسقىنىنان زارداپ شەككەن وڭىرلەرگە 3 ملرد تەڭگە بولگەن بولاتىن. مامىر ايىندا كومپانيا قوسىمشا 7 ملرد تەڭگە ءبولۋ تۋرالى شەشىم قابىلدادى. بۇل قاراجات «سامۇرىق-قازىنا» قورىنىڭ قايىرىمدىلىق كومەككە ارنالعان ءبىرىڭعاي وپەراتورى Samruk Kazyna Trust كورپوراتيۆتىك قورى ارقىلى باعىتتالاتىن بولادى، - دەپ حابارلايدى Dalanews.kz kmgpress-كە سىلتەپ.
ودان بولەك، «قازمۇنايگاز-اەرو» ج ش س تاۋلىك بويى توتەنشە جاعدايلار مينيسترلىگى، قورعانىس مينيسترلىگى جانە ۇلتتىق ۇلاننىڭ اۋە كەمەلەرى مەن تەحنيكاسىن جانارمايمەن قامتاماسىز ەتەدى. «قازمۇنايگاز-اەرو» وعان قوسا زارداپ شەككەن وبلىستاردىڭ اكىمدىكتەرىنە وتەۋسىز نەگىزدە 1300 توننادان استام ديزەل وتىنىنا، 58 توننا اي-92 بەنزينىنە، جالپى سوماسى 400 ملن تەڭگەگە جۋىق جانار-جاعارمايعا ارنالعان كارتا ۇسىندى. بۇل وتىن سۋ تاسقىنىنا قارسى ءىس-شارالار، حالىقتى ەۆاكۋاسيالاۋ، باتىس قازاقستان، اتىراۋ، اقتوبە جانە قوستاناي وبلىستارىندا زارداپ شەككەن ينفراقۇرىلىمدى قالپىنا كەلتىرۋ كەزىندە پايدالانىلادى.
سونداي-اق، قمگ كومپانيالار توبىنىڭ قىزمەتكەرلەرى 352 ملن تەڭگە كولەمىندە قارجىلىق كومەك كورسەتىپ، اتىراۋ جانە سولتۇستىك قازاقستان وبلىستارىنا گۋمانيتارلىق كومەك جىبەردى.
ال قمگ-نىڭ ەنشىلەس كاسىپورىندارى اكىمدىكتەرگە كومەك كورسەتۋدى جالعاستىرىپ، سۋ تاسقىنىنا قارسى ءىس-شارالاردى جۇرگىزۋگە اتسالىسىپ كەلەدى (705 ملن تەڭگە جۇمسالدى)، تيەۋ، كوتەرۋ جانە جەردەگى جۇمىستار ءۇشىن ارنايى تەحنيكا ءبولىپ، ادامداردى تاسىمالداۋ ءۇشىن كومەككە اۆتوبۋستار بەرىپ وتىر.
