Biyl sáýir aiynda «QazMunaiGaz» sý tasqynynan zardap shekken óńirlerge 3 mlrd teńge bólgen bolatyn. Mamyr aiynda kompaniia qosymsha 7 mlrd teńge bólý týraly sheshim qabyldady. Bul qarajat «Samuryq-Qazyna» qorynyń qaiyrymdylyq kómekke arnalǵan biryńǵai operatory Samruk Kazyna Trust korporativtik qory arqyly baǵyttalatyn bolady, - dep habarlaidy Dalanews.kz kmgpress-ke siltep.
Odan bólek, «QazMunaiGaz-Aero» JShS táýlik boiy Tótenshe jaǵdailar ministrligi, Qorǵanys ministrligi jáne Ulttyq ulannyń áýe kemeleri men tehnikasyn janarmaimen qamtamasyz etedi. «QazMunaiGaz-Aero» oǵan qosa zardap shekken oblystardyń ákimdikterine óteýsiz negizde 1300 tonnadan astam dizel otynyna, 58 tonna AI-92 benzinine, jalpy somasy 400 mln teńgege jýyq janar-jaǵarmaiǵa arnalǵan karta usyndy. Bul otyn sý tasqynyna qarsy is-sharalar, halyqty evakýatsiialaý, Batys Qazaqstan, Atyraý, Aqtóbe jáne Qostanai oblystarynda zardap shekken infraqurylymdy qalpyna keltirý kezinde paidalanylady.
Sondai-aq, QMG kompaniialar tobynyń qyzmetkerleri 352 mln teńge kóleminde qarjylyq kómek kórsetip, Atyraý jáne Soltústik Qazaqstan oblystaryna gýmanitarlyq kómek jiberdi.
Al QMG-nyń enshiles kásiporyndary ákimdikterge kómek kórsetýdi jalǵastyryp, sý tasqynyna qarsy is-sharalardy júrgizýge atsalysyp keledi (705 mln teńge jumsaldy), tieý, kóterý jáne jerdegi jumystar úshin arnaiy tehnika bólip, adamdardy tasymaldaý úshin kómekke avtobýstar berip otyr.
