«قازمۇنايگاز» ۇك» اق كومپانيالار توبى «Samruk Business Academy» جم بىرلەسىپ، 2024 جىلدىڭ 18 شىلدەسىندە ساعات 11:00-دە مۇگەدەكتىگى بار ادامدارعا قولجەتىمدى بوس جۇمىس ورىندارىنىڭ ونلاين جارمەڭكەسىن وتكىزەدى، دەپ حابارلايدى Dalanews.kz.
جارمەڭكەنىڭ ماقساتى ‒ مۇگەدەكتىگى بار ادامداردى جۇمىسقا ورنالاستىرۋعا، ولاردىڭ الەۋەتى مەن مۇمكىندىكتەرىن اشۋعا جاردەمدەسۋ. جارمەڭكەگە 10-نان استام جۇمىس بەرۋشى قاتىسادى.
ۇمىتكەرلەرگە كەلەسى كومپانيالار بوس جۇمىس ورىندارىن ۇسىنادى: «قازمۇنايگاز» ۇك اق، «قازترانسويل» اق، «پاۆلودار مۇناي-حيميا زاۋىتى» ج ش س، «اتىراۋ مۇناي وڭدەۋ زاۋىتى» ج ش س، «كمگ ينجينيرينگ» ج ش س، «قمگ-قۇمكول» ج ش س، «KMG-Security» ج ش س، «پەتروقازاقستان» ج ش س، «قمگ قاشاعان ب.ۆ.» جشجك.
كومپانيالاردىڭ رەسمي وكىلدەرى ءوز ۇيىمدارىنىڭ قىزمەتى تۋرالى اقپارات بەرىپ، بوس جۇمىس ورىندارىمەن تانىستىرادى، ۇمىتكەرلەردىڭ سۇراقتارىنا جاۋاپ بەرەدى.
ينكليۋزيانى دامىتۋ قازمۇنايگازدىڭ جانە بارلىق كومپانيالاردىڭ كادر ساياساتىنداعى باسىم باعىتتاردىڭ ءبىرى. الداعى بوس ورىندار جارمەڭكەسىندە ءارتۇرلى سالالارداعى، سونىڭ ىشىندە: اكىمشىلىك جانە وندىرىستىك سەكتورلار، اقپاراتتىق جۇيەلەر، قاۋىپسىزدىك قىزمەتى جانە تاعى باسقا جۇمىس تۇرلەرى ۇسىنىلادى.
جارمەڭكەگە قاتىسۋ ءۇشىن بارلىق نيەت بىلدىرۋشىلەرگە 2024 جىلعى 18 شىلدەدە استانا ۋاقىتى بويىنشا ساعات 11:00-دە سىلتەمەگە ءوتۋ قاجەت.
«قازمۇنايگاز» ۇك» اق توبىنداعى كومپانيالارعا قىزمەتكەرلەر قاراستىرۋ مەن ىرىكتەۋدىڭ بويىنشا بارلىق ءىس-شارا www.QSamruk.kz ونلاين پلاتفورماسىندا جۇزەگە اسىرىلادى.
مۇگەدەكتىگى بار ادامدارعا ارنالعان بوس ورىنداردا ارنايى بەلگى بولادى. قۇجاتتاردى سايتقا تاپسىرۋ كەزىندە رەكرۋتەرلەر ينكليۋزيۆتى ۇمىتكەرلەردى باسىمدىق تۇردە قاراستىراتىن تۇيىندەمەدە مۇگەدەكتىكتىڭ بولۋىن بەلگىلەپ ءوتۋ كەرەك.
پلاتفورمادا اي سايىن 2500-دەن استام بوس جۇمىس ورنى اشىلادى. تىركەلۋ كەزىندە جاۋاپ جىبەرەردىڭ الدىندا ۇمىتكەر تۇيىندەمەنىڭ بوس لاۋازىمدا كورسەتىلگەن تالاپتارعا سايكەستىگىن تەكسەرۋى قاجەت. ويتكەنى جاۋاپ ءبىرىنشى روبوتتىق جۇيە ارقىلى قاراستىرىلادى. سايكەسسىزدىك جانە ءتيىستى اقپارات بولماعان جاعدايدا باس تارتۋ اۆتوماتتى تۇردە جاسالۋى مۇمكىن.
