«QazMunaıGaz» UK» AQ kompanıalar toby «Samruk Business Academy» JM birlesip, 2024 jyldyń 18 shildesinde saǵat 11:00-de múgedektigi bar adamdarǵa qoljetimdi bos jumys oryndarynyń onlaın jármeńkesin ótkizedi, dep habarlaıdy Dalanews.kz.
Jármeńkeniń maqsaty ‒ múgedektigi bar adamdardy jumysqa ornalastyrýǵa, olardyń áleýeti men múmkindikterin ashýǵa járdemdesý. Jármeńkege 10-nan astam jumys berýshi qatysady.
Úmitkerlerge kelesi kompanıalar bos jumys oryndaryn usynady: «QazMunaıGaz» UK AQ, «QazTransOıl» AQ, «Pavlodar munaı-hımıa zaýyty» JSHS, «Atyraý munaı óńdeý zaýyty» JSHS, «KMG Injınırıń» JSHS, «QMG-Qumkól» JSHS, «KMG-Security» JSHS, «PetroQazaqstan» JSHS, «QMG Qashaǵan B.V.» JSHJK.
Kompanıalardyń resmı ókilderi óz uıymdarynyń qyzmeti týraly aqparat berip, bos jumys oryndarymen tanystyrady, úmitkerlerdiń suraqtaryna jaýap beredi.
Inklúzıany damytý QazMunaıGazdyń jáne barlyq kompanıalardyń kadr saıasatyndaǵy basym baǵyttardyń biri. Aldaǵy bos oryndar jármeńkesinde ártúrli salalardaǵy, sonyń ishinde: ákimshilik jáne óndiristik sektorlar, aqparattyq júıeler, qaýipsizdik qyzmeti jáne taǵy basqa jumys túrleri usynylady.
Jármeńkege qatysý úshin barlyq nıet bildirýshilerge 2024 jylǵy 18 shildede Astana ýaqyty boıynsha saǵat 11:00-de siltemege ótý qajet.
«QazMunaıGaz» UK» AQ tobyndaǵy kompanıalarǵa qyzmetkerler qarastyrý men irikteýdiń boıynsha barlyq is-shara www.QSamruk.kz onlaın platformasynda júzege asyrylady.
Múgedektigi bar adamdarǵa arnalǵan bos oryndarda arnaıy belgi bolady. Qujattardy saıtqa tapsyrý kezinde rekrýterler ınklúzıvti úmitkerlerdi basymdyq túrde qarastyratyn túıindemede múgedektiktiń bolýyn belgilep ótý kerek.
Platformada aı saıyn 2500-den astam bos jumys orny ashylady. Tirkelý kezinde jaýap jibererdiń aldynda úmitker túıindemeniń bos laýazymda kórsetilgen talaptarǵa sáıkestigin tekserýi qajet. Óıtkeni jaýap birinshi robottyq júıe arqyly qarastyrylady. Sáıkessizdik jáne tıisti aqparat bolmaǵan jaǵdaıda bas tartý avtomatty túrde jasalýy múmkin.
