كوپتەن اڭساعان ارماندارى ورىندالىپ، باسپانالى بولعاندار - ىشىندە كوپبالالى وتباسى مەن مەملەكەتتىك قىزمەتكەر.
جاڭا جىل مەرەكەسى قارساڭىندا قۋانىش يەلەرىن اۋدان اكىمى تولەگەن تەلعارايەۆ ارنايى قۇتتىقتادى. قونىستوي يەلەرىنە شاڭىراقتىڭ شاتتىعىن تىلەپ، ءۇي جيھازدارىن سىيعا تارتتى.
جاڭا تۇرعىن ءۇي «قازىعۇرت» شاعىن اۋدانىنان بوي كوتەرگەن. ءتورت بولمەلى باسپانا سۋ، تابيعي گازبەن قامتاماسىز ەتىلگەن. ءوز الدىنا 15 سوتتىق جەرى بار.
ايتا كەتەرلىگى، اۋداننىڭ جومارت جاندارىنىڭ ءبىرى سىرىم ەرتايەۆ ءوز قارجىسىنا سالىپ، تۇرعىنداردىڭ ءۇيلى-جايلى بولىپ جاتقانىنا سەبەپكەر بولىپ وتىر.
سىرىم ەرتايەۆ كوپبالالى وتباسىلاردى باسپانامەن قامتۋدى بەلسەندىلىك تانىتىپ جۇرگەن بيزنەسمەننىڭ ءبىرى. وسىدان شامالى ۋاقىت بۇرىن كاسىپكەر قازىعۇرت اۋدانىندا تۇرمىسى تومەن 10 وتباسىعا باسپانا سىيلاعان بولاتىن.
«قازاقستاننىڭ 100 جاڭا ەسىمى» بايقاۋىنىڭ جەڭىمپازى، قازىعۇرت اۋدانىنىڭ قۇرمەتتى ازاماتى، كاسىپكەر - سىرىم ەرتايەۆ ءوز ەسەبىنەن 2017-2018 جىلدارى تۇرمىسى تومەن التىنتوبە اۋىل وكرۋگىنەن 2 وتباسىعا، قاراباۋ اۋىل وكرۋگىنەن 3 جانۇياعا، جاڭابازار اۋىل وكرۋگىنەن 2، جالپى 7 وتباسىعا ءۇي سالىپ بەردى
سونىمەن قاتار، كاسىپكەر رامازان ايىندا اۋدانداعى الەۋمەتتىك جاعىنان از قامتىلعان 500 وتباسىعا ازىق-تۇلىك ۇلەستىرىپ، 5 ملن تەڭگە كولەمىندە كومەك كورسەتكەن.
