Kópten ańsaǵan armandary oryndalyp, baspanaly bolǵandar - ishinde kópbalaly otbasy men memlekettik qyzmetker.
Jańa jyl merekesi qarsańynda qýanysh ielerin aýdan ákimi Tólegen Telǵaraev arnaiy quttyqtady. Qonystoi ielerine shańyraqtyń shattyǵyn tilep, úi jihazdaryn syiǵa tartty.
Jańa turǵyn úi «Qazyǵurt» shaǵyn aýdanynan boi kótergen. Tórt bólmeli baspana sý, tabiǵi gazben qamtamasyz etilgen. Óz aldyna 15 sottyq jeri bar.
Aita keterligi, aýdannyń jomart jandarynyń biri Syrym Ertaev óz qarjysyna salyp, turǵyndardyń úili-jaily bolyp jatqanyna sebepker bolyp otyr.
Syrym Ertaev kópbalaly otbasylardy baspanamen qamtýdy belsendilik tanytyp júrgen biznesmenniń biri. Osydan shamaly ýaqyt buryn kásipker Qazyǵurt aýdanynda turmysy tómen 10 otbasyǵa baspana syilaǵan bolatyn.
«Qazaqstannyń 100 jańa esimi» baiqaýynyń jeńimpazy, Qazyǵurt aýdanynyń Qurmetti azamaty, kásipker - Syrym Ertaev óz esebinen 2017-2018 jyldary turmysy tómen Altyntóbe aýyl okrýginen 2 otbasyǵa, Qarabaý aýyl okrýginen 3 januiaǵa, Jańabazar aýyl okrýginen 2, jalpy 7 otbasyǵa úi salyp berdi
Sonymen qatar, kásipker Ramazan aiynda aýdandaǵy áleýmettik jaǵynan az qamtylǵan 500 otbasyǵa azyq-túlik úlestirip, 5 mln teńge kóleminde kómek kórsetken.
