2018-2019 وقۋ جىلىندا ءبىلىم وردالارىندا 28128 وقۋشى ءبىلىم الۋدا.
ۇلتتىق ءبىرىڭعاي تەستىلەۋ قورىتىندىسى بويىنشا اۋداننىڭ ورتاشا بالى 2018 جىلى 76،2 بالدى قۇرادى.
بيىل ءبىلىم بەرۋ مەكەمەلەرىندە «مەكتەپكە جول» قامقورلىق اكسياسى اياسىندا 470 وقۋشىعا 3،2 ملن تەڭگەگە ماتەريالدىق كومەك كورسەتىلدى.
اۋداندا مەكتەپكە دەيىنگى تاربيە بەرۋ مەكەمەلەرىنىڭ جەلىسى ۇلعايتىلۋدا. 3-6 جاس ارالىعىنداعى بالا سانى – 11804. كەزەكتە تۇرعان بالا سانى – 403. 2018 جىلعى 1 قاراشاعا 8823 بالانىڭ 8420-ى قامتىلىپ وتىر (95،4%).
باعدارلامانىڭ ەڭ وزەكتى كورسەتكىشتەرىنىڭ ءبىرى – ءۇش اۋىسىمدى جانە اپاتتى مەكتەپتەردى جويۋ. وسىعان وراي بيىلعى جىلى اۋدانىمىزدا 1 187،2 ملن. تەڭگەگە 2 ءبىلىم ورداسى سالىنىپ، 2018 جىلى پايدالانۋعا بەرىلدى. ونىڭ ىشىندە رەسپۋبليكالىق بيۋدجەتتەن قىزىلسەڭگىر اۋىلىنا 769،8 ملن. تەڭگەگە مەكتەپ سالىندى. ال اۋداندىق بيۋدجەتتەن بولىنگەن 417،4 ملن. تەڭگەگە قۇداينازاروۆ اتىنداعى مەكتەپ سالىندى. م)؛
سونىمەن قاتار اۋداندىق بيۋدجەتتەن 435،6 ملن. تەڭگەگە قازىعۇرت ەلدى مەكەنىنە قاراستى «بولاشاق» مولتەك اۋدانىنان 100 ورىندىق ونەر مەكتەبى پايدالانۋعا بەرىلگەنىن دە ايتا كەتۋىمىز كەرەك.
رەسپۋبليكالىق بيۋدجەتتەن جىلىبۇلاق، م.اۋەزوۆ جالپى ورتا مەكتەپتەرىن قۇرىلىسىنا 1004،9 ملن. تەڭگە قاراستىرىلىپ قۇرىلىس جۇمىستارى جۇرگىزىلۋدە.
سونىمەن قاتار 11 ءبىلىم بەرۋ مەكەمەلەرىن گازبەن قامتاماسىز ەتۋ قۇرىلىسىنا 66،1 ملن. تەڭگە قارالىپ، پايدالانۋعا بەرىلدى.
2018 جىلى 4 مەكتەپتى كۇردەلى جوندەۋدەن وتكىزۋگە 190،7 ملن. تەڭگە قارجى جۇمسالعان.
Dalanews.kz
