قازىعۇرت اۋدانىندا «تۋعان ولكە مادەنيەتى» بويىنشا 13 ءىس-شارا ۇيىمداستىرىلىپ، وعان 678 ادام قاتىستى. ال «تاريحي-مادەني مۇرا» بويىنشا 15 ءىس-شارا ءوتىپ، وعان قاتىسۋشىلار – 554 ادام قۇرادى. سول سياقتى «جەرگىلىكتى تۋريزم» بويىنشا 2 ءىس-شارا ءوتىپ، 120 ادام قاتىستى.
تاۋەلسىزدىك العان جىلداردان بەرى اۋدانداعى مادەنيەت نىساندارى رەسپۋبليكالىق، وبلىستىق، اۋداندىق بيۋدجەتتەردەن بولىنگەن 504 ملن. تەڭگە قارجىعا اعىمداعى جانە كۇردەلى جوندەۋلەر مەن قۇرىلىس جۇمىستارى جۇرگىزىلدى. بارلىق مادەنيەت نىساندارى جىلۋ جۇيەسىمەن قامتىلعان، اپاتتى جاعدايداعى مادەنيەت ۇيلەرى جوق.
اۋداندىق ورتالىق كىتاپحانانىڭ كىتاپ قورى – 355708 دانا بولسا، جاڭا تۇسكەن كىتاپتار سانى – 3017 دانا. ونەگەلى قۇندىلىقتىڭ ماڭىزىن ارتتىرىپ، وقىرماندارعا كەڭىنەن ناسيحاتتاۋ ماقساتىندا «كىتاپحاناعا كىتاپ سىيلايىق!» اكسياسى وتكىزىلىپ، 681 دانا قۇندى كىتاپتار سىيعا تارتىلدى. كىتاپ قورىن جەرگىلىكتى جازۋشىلاردىڭ تۋعان ولكە تاريحىنان سىر شەرىتەتىن تۋىندىلارىمەن تولىقتىرۋ جانە كىتاپ وقىرماندارىن تاريحىمىزدى، مادەنيەتىمىزدى، ۇلتتىق قۇندىلىقتىرىمىزدى ناسيحاتتايتىن تۋىندىلاردى وقۋى ءۇشىن سونداي-اق كىتاپتاردى الماسىپ، پايدالانۋ ماقساتىندا بارلىق كىتاپحانالاردان بۋككروسينگ بۇرىشتارى اشىلىپ، وقىرماندارعا قىزمەت كورسەتىلۋدە.
