تۇركىستان وبلىسى قازىعۇرت اۋدانى 73،4 پايىز گازبەن قامتىلعان. ماسەلەن، اۋدانعا قاراستى تۇربات اۋىل وكرۋگىندەگى 4 ەلدى مەكەندە گاز جۇيەسى 90 پايىز تارتىلعان، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

اۋدانداعى تۇربات اۋىل وكرۋگىندەگى 4 ەلدى مەكەننىڭ بارلىعى 100 پايىز اۋىز سۋمەن قامتاماسىز ەتىلگەن. سونىمەن قاتار، وزەكتى ماسەلەلەردىڭ ءبىرى بولعان تۇربات، ەڭبەك، ءوڭدىرىس ەلدى مەكەنىندە جەر استى سۋ قورىن انىقتاۋ جۇمىستارىنا 2021 جىلى وبلىستىق بيۋدجەت ەسەبىنەن قارجى ءبولىنىپ، جەر استى سۋ قورىن انىقتاۋ جۇمىستارى جۇرگىزىلۋدە.

ال جول جوندەۋ جۇمىستارى بويىنشا تۇربات اۋىل وكرۋگىندە بيىل م.سابيروۆ كوشەسىنىڭ 5 شاقىرىمى ورتا جوندەۋدەن وتكىزىلۋدە. بۇل نىسان 2022 جىلعا وتپەلى. سونىمەن قاتار، باقىت كوشەسىنىڭ 600 مەترىنە ورتا جوندەۋ جۇمىستارى جۇرگىزىلۋدە. جالپى اۋىل وكرۋگى بويىنشا جاقسى ىشكى كوشەلەردىڭ ۇلەسى 27،3 پايىزدى قۇراپ وتىر. اعىمداعى جىلى وبلىستىق ماڭىزى بار كح-48 قازىعۇرت-تۇربات اۆتوموبيل جولىنىڭ 21 شاقىرىمىنا ورتا جوندەۋ جۇمىستارى جۇرگىزىلۋدە. نىسان 2022 جىلعا وتپەلى.