Qazyǵurt aýdanynyń 73,4 paiyzy gazben qamtylǵan
Aýdandaǵy Turbat aýyl okrýgindegi 4 eldi mekenniń barlyǵy 100 paiyz aýyz sýmen qamtamasyz etilgen. Sonymen qatar, ózekti máselelerdiń biri bolǵan Turbat, Eńbek, Óńdiris eldi mekeninde jer asty sý qoryn anyqtaý jumystaryna 2021 jyly oblystyq biýdjet esebinen qarjy bólinip, jer asty sý qoryn anyqtaý jumystary júrgizilýde.
Al jol jóndeý jumystary boiynsha Turbat aýyl okrýginde biyl M.Sabirov kóshesiniń 5 shaqyrymy orta jóndeýden ótkizilýde. Bul nysan 2022 jylǵa ótpeli. Sonymen qatar, Baqyt kóshesiniń 600 metrine orta jóndeý jumystary júrgizilýde. Jalpy aýyl okrýgi boiynsha jaqsy ishki kóshelerdiń úlesi 27,3 paiyzdy qurap otyr. Aǵymdaǵy jyly oblystyq mańyzy bar KH-48 Qazyǵurt-Turbat avtomobil jolynyń 21 shaqyrymyna orta jóndeý jumystary júrgizilýde. Nysan 2022 jylǵa ótpeli.
