سونداي-اق، ساپار بارىسىندا قازاتومونەركاسىپ باسشىسى «CNNC» (China National Nuclear Corporation) ديرەكتورلار كەڭەسىنىڭ ءتوراعاسى سۋن سينمەن (Sun Qin) جانە «CITIC GROUP Corporation» قازاقستانداعى باس ديرەكتورى سۋن يانمەن (Sun Yang) كەزدەستى.
تاراپتار اتوم ەنەرگەتيكاسىن دامىتۋ سالاسىنداعى ءوزارا ءتيىمدى ىنتىماقتاستىقتىڭ ءبىرقاتار ماسەلەلەرىن تالقىلادى. ناقتىراق ايتساق، تابيعي ۋراندى قازاقستاننان جۇڭگو اۋماعى ارقىلى ترانزيتتەۋ، قحر-نا وتىن تابلەتكالارىن جەتكىزىپ بەرۋ، بىرلەسە ۋران ءوندىرۋ، قازاقستاندا كونۆەرسيالىق زاۋىت سالۋ، يادرولىق تەحنولوگيالاردى مەديسينادا قولدانۋ ماسەلەلەرى قاراستىرىلدى. كەزدەسۋ قاتىسۋشىلارى ءوزارا ءتيىمدى ۇزاق مەرزىمدى جانە ستراتەگيالىق سەرىكتەستىككە مۇددەلى ەكەندىكتەرىن اتاپ كورسەتتى.
قىتايلىق ارىپتەستەرىنىڭ شاقىرۋىمەن اسقار جۇماعالييەۆ حۋنان پروۆينسياسىنىڭ حەنيان قالالىق وكرۋگىنداعى كونۆەرسيالىق زاۋىتتا بولىپ، ۋران گەكسافتوريدىن ءوندىرۋ تەحنولوگياسىمەن تانىستى.
سونداي-اق، قازاقستاننىڭ ۇلتتىق اتوم كومپانياسىنىڭ باسشىسى قىتايدىڭ باس يادرولىق-ەنەرگەتيكالىق كورپوراسياسى (CGNPC) باس ديرەكتورى چجان شانمينمەن (Zhang Shanmin) كەزدەستى. تاراپتار ەكى جاقتى قارىم-قاتىناستاردىڭ ءتۇرلى قىرلارىن تالقىلاپ، ءوزارا ءتيىمدى ىنتىماقتاستىقتى ىسكە اسىرۋ جونىندەگى تالپىنىستارعا جوعارى باعا بەردى.
ەسكە سالا كەتسەك، بۇعان دەيىن قازاقستاندا جىلۋ بولگىش قۇرامالار وندىرەتىن زاۋىتتى جوبالاۋ جانە سالۋ بويىنشا كوممەرسيالىق شارتتار تۋرالى «قازاتومونەركاسىپ» ۇاك» اق مەن قىتايلىق CGNPC (China General Nuclear Power Corporation) اراسىنداعى كەلىسىمگە قول قويىلعان بولاتىن. «ءۇلبى مەتاللۋرگيالىق زاۋىتى» اق بازاسىندا قحر اتوم ەلەكتر ستانسيالارىنا ارنالعان وتىن تابلەتكالارىن شىعاراتىن، جىلدىق وندىرىستىك قۋاتى 200 توننا جبق يە كاسىپورىن قۇرىلۋدا.
«قمد» اقپارات
