"قازاقتەلەكوم" فيليالى - سەرۆيستٸك فابريكانىڭ بۇرىنعى باسشىسىنا قاتىستى سوتقا دەيٸنگٸ تەرگەۋدٸڭ باستالۋىنا كومپانييا ٶزٸ باستاماشى بولعانىن مەلٸمدەدٸ, دەپ حابارلايدى Dalanews.kz.
"جامبىل وبلىسىنىڭ سىبايلاس جەمقورلىققاقارسى قىزمەت دەپارتامەنتٸ "قازاقتەلەكوم" اق فيليالى - سەرۆيستٸك فابريكانىڭ بۇرىنعى باس ديرەكتورى ا. كارامانوۆقا قاتىستى قر قك 361-بابى 4-تارماعى بويىنشا سوتقا دەيٸنگٸ تەرگەۋجٷرگٸزۋدە, ول فيليالدىڭ بۇرىنعى قىزمەتكەرلەرٸنٸڭ كٶمەگٸمەن «قازاقتەلەكوم» اق-نىڭ تاراز قالاسىنداعى ەكٸمشٸلٸك عيمارات تٷرٸندەگٸ جىلجىمايتىن مٷلكٸن ساتۋ ارقىلى لاۋازىمدىق ٶكٸلەتتٸگٸن اسىرا پايدالاندى. نىسان قۇنى ەدەيٸ تٶمەندەتٸلٸپ, 185 504 000تەڭگەگە ساتىلعان, وسىلايشا مەملەكەتكە 468 473 464 تەڭگە سوماسىندا زالال كەلتٸرٸلدٸ", دەلٸنگەن كومپانييا تاراتقان حابارلامادا.
"قازاقتەلەكوم" اق وسى سوتقا دەيٸنگٸ تەرگەۋدٸڭ باستاماشىسى بولىپ, 2022 جىلى "قازاقتەلەكوم" اق قارجىلىق باقىلاۋ دەپارتامەنتٸنٸڭ ٸشكٸ تەكسەرۋ ماتەريالدارىن قازاقستان رەسپۋبليكاسىنىڭ سىبايلاس جەمقورلىققا قارسى قىزمەتٸنە جولداعانىن اتاپ ٶتتٸ.
"نەتيجەسٸندە جىلجىمايتىن مٷلٸك نىساندارىن يەلٸكتەن شىعارۋ تەرتٸبٸن جەنە "قازاقتەلەكوم" اق مەن سەرۆيستٸك فابريكانىڭ ٶكٸمدٸك اكتٸلەرٸنٸڭ تالاپتارىن ٶرەسكەل بۇزۋشىلىقتار انىقتالدى. ايتا كەتۋ كەرەك, قازٸرگٸ ۋاقىتتا "قازاقتەلەكوم" اق-دا بۇرىن ساتىلعان كەيبٸر جىلجىمايتىن مٷلٸك نىساندارىن, ونىڭ ٸشٸندە قۇقىق قورعاۋ ورگاندارى ارقىلى قايتارۋعا باعىتتالعان شارالار قابىلدانۋدا, دەپ قوستى كومپانييادا.
ەسكە سالايىق,"قازاقتەلەكوم" اق فيليالى – سەرۆيستٸك فابريكاسى لاۋازىمدى قىزمەتكەرلەرٸ ٶكٸلەتتٸكتەرٸن اسىرا پايدالاندى دەگەن كٷدٸككە ٸلٸندٸ.
انتيكور مەلٸمەتٸنشە, اتالعان دەرەك زاڭسىز ساتىپ الىنعان اكتيۆتەردٸ قايتارۋ بويىنشا جٷرگٸزٸلگەن جۇمىس اياسىندا انىقتالعان.
سىبايلاس جەمقورلىققا قارسى قىزمەتتٸڭ جامبىل وبلىسى بويىنشا دەپارتامەنتٸ ۇلتتىق كومپانييانىڭ جىلجىمايتىن مٷلٸك پورتفەلٸن باسقارۋعا جاۋاپتى بٶلٸمشە "قازاقتەلەكوم" اق فيليالى – سەرۆيستٸك فابريكاسىنىڭ لاۋازىمدى قىزمەتكەرلەرٸنە قاتىستى ٶكٸلەتتٸكتەردٸ تەرٸس پايدالانۋ فاكتٸسٸ بويىنشا قىلمىستىق ٸستٸ تەرگەپ جاتىر.
