«قازاقتەلەكوم» اق ٶكٸلدەرٸ ٶزدەرٸنە قاتىستى «Almaty aqshamy» جەنە «ۆەچەرنيي Almaty» گازەتتەرٸندە جارييالانعان ماقالالاردى نازاردان تىس قالدىرماپتى. ەستەرٸڭٸزدە بولسا, بۇل ماقالالاردا 8 مەگابيت جىلدامدىقتاعى ينتەرنەت بايلانىس قىزمەتٸ بٸزدٸڭ باسىلىمدارعا ورىنسىز قىمبات باعامەن بەرٸلگەندٸگٸ ايتىلعان.
دەگەنمەن, ۇلتتىق وپەراتور بٸز كٷتكەندەي ٶز قاتەلٸكتەرٸن مويىندامادى. ونىڭ ورنىنا «Alatay Aqparat» جشس-نٸڭ ٷستٸنەن سوتقا تالاپ ارىز جازىپ, بۇل ماقالالاردا كٶرسەتٸلگەن مەلٸمەتتەردٸ تەرٸسكە شىعارۋدى تالاپ ەتٸپ وتىر. بٸزدٸڭ كومپانيياعا سوتقا دەيٸنگٸ حابارلاما كەلٸپ تٷستٸ. وندا ۇلتتىق بايلانىس وپەراتورىنىڭ بٸزدەن باس تارتۋدى تالاپ ەتكەن تەزيستەرٸ كٶرسەتٸلگەن.
بٸزگە كەلگەن حابارلامانىڭ بٸرٸنشٸ تارماعىندا "قازاقتەلەكوم" الاياق دەپ جالعان اقپارات تاراتىلدى" دەپ كٶرسەتٸلگەن. سونداي-اق, سوتقا دەيٸنگٸ حابارلامادا قر قىلمىستىق كودەكسٸ تۇرعىسىنان الاياقتىق دەگەن نە ەكەنٸ تۋرالى تٷسٸنٸكتەمە بەرٸلگەن. الايدا, وسى تۇستا بٸزدٸڭ ۇلتتىق وپەراتوردى ٶز ماقالامىزدا الاياق دەپ ايتپاعانىمىزدى تٷسٸنۋ كەرەك. بٸز تەك قانا «قازاقتەلەكوم»-نىڭ ٸس-ەرەكەتتەرٸ ەدٸلەتسٸز قيتۇرقى سحەمالارعا ۇقسايدى دەپ بولجام جاسادىق.
سونداي-اق, ۇلتتىق بايلانىس وپەراتورى بٸزگە كٶرسەتٸلگەن قىزمەتتٸڭ قۇنى 480 مىڭ تەڭگە بولعانىن جوققا شىعارۋدى تالاپ ەتكەن. حابارلامادان ٷزٸندٸ كەلتٸرەيٸك: «بۇل اقپارات شىندىققا سەيكەس كەلمەيدٸ, ٶيتكەنٸ قىزمەتتەردٸ اي سايىنعى پاكەتتٸك قوسۋ سوماسى مەن ققس-نى (قوسىلعان قۇن سالىعىن) قوسا العاندا 223 500 تەڭگە مٶلشەرٸندەگٸ سومانى قۇراعان. وعان قوسا بۇل سوماعا «8» نٶمٸرٸ ارقىلى جاسالعان اي سايىنعى حالىقارالىق قوڭىراۋلار جەنە 18 قالالىق ستاتسيونارلىق نٶمٸر ٷشٸن ابونەنتتٸك تٶلەم ەسەپتەلگەن. قىزمەت قۇنىنىڭ جالپى سوماسى 332 500 تەڭگەدەن اسپادى».
ۇلتتىق بايلانىس وپەراتورى بۇل حابارلاما ارقىلى «ناعىز جومارتتىق» كٶرسەتٸپ وتىر – بٸز كٶرسەتكەن سومادان 150 مىڭعا ارزان, الايدا ٶتە باياۋ ينتەرنەت بايلانىس ٷشٸن ەلٸ دە تىم سوراقى باعا.
«سەگٸز» نٶمٸرٸ ارقىلى جاسالاتىن حالىقارالىق قوڭىراۋلارعا ەرەكشە توقتالعانىمىز جٶن. بايلانىس وپەراتورى اۋىسقان سوڭعى ەكٸ جارىم جىل ٸشٸندە بٸزدٸڭ رەداكتسييامىزدان مۇنداي نەبەرٸ بٸر قوڭىراۋ شالىنعان. بۇعان دەيٸن بٸزدٸڭ ۇيىمعا جازىلعان تەلەفون نٶمٸرلەرٸنەن (ەستەرٸڭٸزگە سالا كەتەيٸك, ولاردىڭ سانى ٷش جٷزدەن استام) قالاارالىق قوڭىراۋدى كٸم پايدالانعانى تٷسٸنٸكسٸز. بۇل – «قازاقتەلەكومعا» قويىلاتىن بٶلەك سۇراق.
حابارلامانىڭ كەلەسٸ تارماعىندا الماتى قالاسىنىڭ مامانداندىرىلعان اۋدانارالىق ەكونوميكالىق سوتى «جازباشا دەلەلدەردٸ نەگٸزگە الا وتىرىپ, زاڭدى شەشٸم شىعاردى» دەپ مەلٸمدەيدٸ. سونىمەن قاتار, «قازاقتەلەكوم» اق ٶكٸلدەرٸ بۇل رەتتە ٶزدەرٸنٸڭ «Alatay Aqparat» جشس پايداسىنا قايتا ەسەپتەۋ تۋرالى ۋەدەلەرٸ بار حاتتارىنىڭ سوتتا قارالماۋ سەبەبٸ ولار قاتە دەپ تانىلىپ, كەرٸ قايتارىلۋىندا ەكەنٸن ايتادى. «قاتەلٸك سومانى قايتا ەسەپتەۋدٸ جٷرگٸزگەن قوعام قىزمەتكەرٸنٸڭ كٸنەسٸنەن بولدى («قازاقتەلەكوم». – ەسكەرت. رەد.)». ياعني سوتقا دەيٸنگٸ حابارلامانىڭ ٶزٸنەن بٸز ۇلتتىق وپەراتور قىزمەتكەرلەرٸنٸڭ قايتا ەسەپتەۋمەن اينالىسىپ, تٸپتٸ «Alatay Aqparat» جشس-نا حات جازعانىن (قاتە دەپ تانىلسا دا) مويىندايتىنىن كٶرە الامىز. دەگەنمەن, بٸزدٸڭ ۇيىمعا ەشقانداي اقشا قايتقان ەمەس.
قازتاگ ۇجىمى بٸزدٸڭ ماقالالاردى ٶز وقىرماندارىمەن بٶلٸسكەندٸكتەن, سوتقا دەيٸنگٸ حابارلامانىڭ كٶشٸرمەسٸن الدى. ايتىلعان ۇيىمداعى ەرٸپتەستەرٸمٸز وسى حابارلامانىڭ بٸر قىزىق تۇسىن بايقاعان. سوتقا دەيٸنگٸ حابارلاماعا بۇرىن سىبايلاس جەمقورلىق بويىنشا ٶز قىلمىسىن مويىنداعان «قازاقتەلەكوم» اق ستراتەگييالىق باسقارۋ جٶنٸندەگٸ باس ديرەكتورى – باسقارما مٷشەسٸ باتىر ماحانبەتەجيەۆ قول قويعان.
اگەنتتٸك «قازاقتەلەكومنىڭ» باستى مەنەدجەرلەرٸنٸڭ بٸرٸ بولعان باتىر ماحانبەتەجيەۆتٸڭ 2016 جىلى قازاقستان مەدەنيەت جەنە اقپارات مينيسترلٸگٸ اقپارات جەنە مۇراعات كوميتەتٸنٸڭ بۇرىنعى تٶراعاسى بولات كاليانبەكوۆ تاراپىنان سىبايلاس جەمقورلىق تۋرالى ٸس بويىنشا ۇستالعانىن جازادى. سول ۋاقىتتا كوميتەتتٸڭ بۇرىنعى باسشىلارى بولات بەرسەباەۆ, بەك ارپاباەۆ, تالعات قازانعاپ, جانبولات بايبوسىنوۆ تا ۇستالدى. بارلىق اتالعان تۇلعالار, سونىڭ ٸشٸندە ماحانبەتەجيەۆ تە ٶز كٸنەسٸن مويىنداعان.
وسىعان بايلانىستى قازتاگ ٶكٸلدەرٸ ۇلتتىق بايلانىس وپەراتورىنىڭ باسپاسٶز حاتشىسىنا «نەگە سىبايلاس جەمقورلىق بويىنشا قىلمىسىن مويىنداعان ازامات ۇلتتىق كومپانييادا جوعارى قىزمەت اتقارادى?» دەگەن سۇراق جولدادى. جاۋاپ ەلٸ الىنعان جوق…
بٸز دە وسى سۇراققا قوسىلامىز.
