"قازاقتاردى قالاي باسقارۋ كەرەك؟" اتتى كىتاپ جەلىدە داۋ تۋدىردى، - دەپ حابارلايدى Dalanews.kz.
كىتاپ دۇكەن سورەلەرىندە ساتىلىپ تۇرعانى جايلى بەلگىلى بلوگەر، مەديا پروديۋسەر نۇرقوجا ەرسايىن ايتتى.
"دوستار، مىناۋ نە ەندى؟ قاراڭىزدارشى. تۋرا الماتىنىڭ تورىندە "كاك ۋپراۆليات كازاحامي؟" دەگەن كىتاپتى قويىپ قويىپتى. كىتاپتىڭ قىسقاشا تاريحىن ايتىپ بەرەيىن. بۇل بارىنە بەلگىلى كىتاپ. يۆان كيريللوۆ دەگەن وڭباعان كىسى 1734 جىلى شىعارعان، ياعني قازاقتار جوڭعارلاردىڭ اسەرىنەن قۇلدىراپ، رەسەيگە قوسىلا باستاعان كەزدە يۆان كيريللوۆ دەگەن ادام وسى كىتاپتى جازىپ شىققان. مۇنى سىرتىنىڭ وزىندە جازىپ قويعان. قازاق پەن قىرعىز رۋلارىن بىر-بىرىنەن ءبولۋ، اجىراتۋ ارقىلى ولاردى باعىندىرىپ، ولاردى تىزە بۇكتىرىپ، رەسەيگە باعىندىرۋدىڭ تىكەلەي نۇسقاۋلىعى. سول كىتاپ ەندى ساتىلىپ جاتىر. سۋرەتىندە دە ءبىر حان ورىس وفيسەرلەرىنىڭ الدىندا باس ءيىپ، باعىنىپ جاتىر"، - دەيدى بلوگەر.
ديزاينەر، ساۋلەتشى ەلزات مۇقاشيەۆتىڭ سوزىنشە، كىتاپتى سورەدەن كورگەن ادامدار ونى سۋرەتكە ءتۇسىرىپ، مازاق ەتكەندەي بولعان.
"وسىنى ساتۋعا رۇقسات بەرگەن ادامنىڭ نامىسى بار ما دەگەن سۇراق تۋادى"، - دەيدى مۇقاشيەۆ.
نۇرقوجا ەرسايىننىڭ سوزىنشە، كىتاپ تۋريستەر كوپ توقتايتىن جانارماي قۇيۋ بەكەتىنىڭ دۇكەنىندە ساتىلىپ تۇر.
جەلى قولدانۋشىلارى ۆيدەوعا قاتىستى ءتۇرلى پىكىر جازعان:
"1425 جىلى ماسكەۋ كنيازى ءۆاسيليدىڭ باراق حان الدىندا باس ءيىپ، بالشىق تاقتاي̆شاعا سالىنعان باتۋ حاننىڭ تابانىنىڭ ءىزىن ءسۇي̆ءىپ انت بەرىپ تۇرعان سۋرەتىن ءبىز دە قوي̆عىزاي̆ىق تا "كاك رۋسسكيە كنيازيا داۆالي كلياتۆۋ ۆەرنوستي ناشيم حانام؟" دەپ تۇرىپ جازعىزىپ قوياي̆ىق!!!"
"زاڭعا تارتۋ كەرەك ساتۋعا رۇقسات بەرگەن ادامدى"
"بۇل جەردە كىتاپ قاتە، وقىماندار، نەمەسە بۇنداي̆ كىتاپ جازباندار دەپ جاتقان جوق جىگىتتەر. بۇل جەردە ماركەتينگ ماسەلەسى، وتە ۇسقىنسىز قولدانىلعان. شەت ەل ازاماتتارى جۇرەتىن، اسىرەسە سول رف ازاماتتارى قاپتاپ جاتقان جەردە، وسىلاي̆ كەڭىنەن، كوزگە تۇسەتىندەي̆، ۇلكەن قىلىپ شىعارىپ قويۋ. شىنىمەندە قاي̆ ەل، وزدەرىنىڭ قالاي̆ باعىنعانى، نەمەسە ۇتىلعانى جاي̆لى وسىلاي̆ جاي̆ىپ سالادى. بۇنداي̆دى مەكتەپ، جوعارعى وقۋ ورىندارىندا كوپ وقىتىپ، ءۇي̆رەتىپ تۇرسا جەتەدى عوي̆! ۇيات ەكەن وسىنى وسىلاي̆ ورىس تىلىندە، وسى سۋرەتپەن ەلدىڭ بارىنە ساتۋ"
"وسى دۇكەننىڭ يەسى كىم؟؟ ورىس شىعار...قازاق بولسا.وندا نامىسى جوق قازاق ەكەن"
