"Qazaqtardy qalai basqarý kerek?" atty kitap jelide daý týdyrdy, - dep habarlaidy Dalanews.kz.
Kitap dúken sórelerinde satylyp turǵany jaily belgili bloger, media prodiýser Nurqoja Ersaiyn aitty.
"Dostar, mynaý ne endi? Qarańyzdarshy. Týra Almatynyń tórinde "Kak ýpravliat kazahami?" degen kitapty qoiyp qoiypty. Kitaptyń qysqasha tarihyn aityp bereiin. Bul bárine belgili kitap. Ivan Kirillov degen ońbaǵan kisi 1734 jyly shyǵarǵan, iaǵni qazaqtar jońǵarlardyń áserinen quldyrap, Reseige qosyla bastaǵan kezde Ivan Kirillov degen adam osy kitapty jazyp shyqqan. Muny syrtynyń ózinde jazyp qoiǵan. Qazaq pen qyrǵyz rýlaryn bir-birinen bólý, ajyratý arqyly olardy baǵyndyryp, olardy tize búktirip, Reseige baǵyndyrýdyń tikelei nusqaýlyǵy. Sol kitap endi satylyp jatyr. Sýretinde de bir han orys ofitserleriniń aldynda bas iip, baǵynyp jatyr", - deidi bloger.
Dizainer, sáýletshi Elzat Muqashevtiń sózinshe, kitapty sóreden kórgen adamdar ony sýretke túsirip, mazaq etkendei bolǵan.
"Osyny satýǵa ruqsat bergen adamnyń namysy bar ma degen suraq týady", - deidi Muqashev.
Nurqoja Ersaiynnyń sózinshe, kitap týrister kóp toqtaityn janarmai quiý beketiniń dúkeninde satylyp tur.
Jeli qoldanýshylary videoǵa qatysty túrli pikir jazǵan:
"1425 jyly Máskeý kniazi Vasilidiń Baraq han aldynda bas iip, balshyq taqtaĭshaǵa salynǵan Batý hannyń tabanynyń izin súĭip ant berip turǵan sýretin biz de qoĭǵyzaĭyq ta "Kak rýsskie kniazia davali kliatvý vernosti nashim hanam?" dep turyp jazǵyzyp qoiaĭyq!!!"
"Zańǵa tartý kerek satýǵa ruqsat bergen adamdy"
"Bul jerde kitap qate, oqymandar, nemese bundaĭ kitap jazbandar dep jatqan joq jigitter. Bul jerde marketing máselesi, óte usqynsyz qoldanylǵan. Shet el azamattary júretin, ásirese sol RF azamattary qaptap jatqan jerde, osylaĭ keńinen, kózge túsetindeĭ, úlken qylyp shyǵaryp qoiý. Shynymende qaĭ el, ózderiniń qalaĭ baǵynǵany, nemese utylǵany jaĭly osylaĭ jaĭyp salady. Bundaĭdy mektep, joǵarǵy oqý oryndarynda kóp oqytyp, úĭretip tursa jetedi ǵoĭ! Uiat eken osyny osylaĭ orys tilinde, osy sýretpen eldiń bárine satý"
"Osy dúkenniń iesi kim?? Orys shyǵar...qazaq bolsa.onda namysy joq qazaq eken"
