قازاقستاندىق جانكٷيەرلەرگە جاقسى تانىس اتاقتى اعىلشىن تۇقىمدى جٷيرٸك كابيرحان ۇزاق ٷزٸلٸستەن كەيٸن قايتادان جەڭٸسكە جەتتٸ, دەپ حابارلايدى dalanews.kz.
ٶتكەن دەمالىس كٷندەرٸ پياتيگورسك يپپودرومىندا ٶتكەن سىناق جارىسىنا قاتىسقان جٷيرٸك بٸردەن توپ جارىپ, اتاقتى شاباندوز يۋ.ا. دوپيرانى ەسكە الۋعا ارنالعان بەيگەدە مەرەگە بٸرٸنشٸ بولىپ كەلدٸ. بۇل — كابيرحاننىڭ سوڭعى ەكٸ جىلداعى العاشقى جەڭٸسٸ.
كابيرحان قازاقستاندىق كەسٸپكەر تلەك مۇقانبەتقاليەۆكە تيەسٸلٸ. Hippodrom.ru سايتىنىڭ مەلٸمەتٸنشە, ەۋروپا مەن سولتٷستٸك امەريكاداعى بٸرقاتار سەتسٸز جارىستاردان كەيٸن جىلقى تەجٸريبەلٸ باپكەر, كاباردين-بالقار رەسپۋبليكاسىنىڭ مامانى ارسلانگيرەي شاۆۋەۆكە سەنٸمگەرلٸك باسقارۋعا بەرٸلگەن. ساراپشىلاردىڭ ايتۋىنشا, دەل وسى ماماننىڭ ەڭبەگٸنٸڭ ارقاسىندا كابيرحان 2023 جىلى حالىقارالىق دەڭگەيگە كٶتەرٸلگەن.
جٷيرٸكتٸڭ ەڭ جارقىن كەزەڭٸ ەكٸ جارىم ماۋسىم بۇرىن باستالدى. بٸرٸككەن اراب ەمٸرلٸكتەرٸندە ٶتكەن بەدەلدٸ Al Maktoum Challenge جارىستارىنىڭ ەكٸ كەزەڭٸندە جەڭٸسكە جەتكەن كابيرحان كەيٸن ەلەمدەگٸ ەڭ ٸرٸ بەيگەلەردٸڭ بٸرٸ – جٷلدە قورى 7 ميلليون دوللار بولاتىن Dubai World Cup دوداسىنا جولداما العان ەدٸ.
ەلەمدٸك دەڭگەيدەگٸ بۇل جارىستا قازاقستاندىق جٷيرٸك جەتٸنشٸ ورىننان كٶرٸندٸ. ال 2023–2024 جىلعى ماۋسىمدا كابيرحان يەسٸنە جالپى كٶلەمٸ 755 548 دوللار بولاتىن جٷلدە قارجىسىن ەكەلدٸ.
الايدا كەيٸن جٷيرٸكتٸڭ جولى بولمادى. سوڭعى كەزەڭدە كابيرحان التى جارىسقا قاتىسىپ, بٸردە-بٸرٸندە جٷلدەلٸ ورىنعا ٸلٸگە المادى.
وسىعان بايلانىستى يەسٸ باپكەردٸ اۋىستىرۋ تۋرالى شەشٸم قابىلداعان. امەريكالىق مامان دۋگ ۋوتسوننىڭ ورنىنا جىلقىمەن بٸرٸككەن اراب ەمٸرلٸكتەرٸندە بٸرنەشە مەرتە چەمپيون اتانعان, سونداي-اق جٷلدە قورى 12 ميلليون دوللار بولاتىن دۋباي ەلەم كۋبوگىنىڭ جەڭٸمپاز باپكەرٸ بحۋپات سيمارا جۇمىس ٸستەي باستاعان.
الايدا باپكەرلەر قۇرامىنداعى بۇل ٶزگەرٸس تە كٷتكەن نەتيجەنٸ بەرمەگەن ەدٸ. سوعان قاراماستان, پياتيگورسكٸدەگٸ سوڭعى جەڭٸس كابيرحاننىڭ قايتا بابىنا كەلە باستاعانىن اڭعارتتى.
