ق ر توتەنشە جاعدايلار مينيسترلىگى "سبزۇعو" ج ش س سەيسميكالىق ستانسيالار جەلىسىنىڭ مالىمەتىنشە، بۇگىن استانا ۋاقىتىمەن ساعات 18:44:11-دە ەل اۋماعىندا جەر سىلكىنىسى تىركەلدى، دەپ حابارلايدى Dalanews.kz.
- جەراستى ءدۇمپۋى 41.310 س.ە.، 72.690 ش.ب. كوورديناتاسى بويىنشا تىركەلدى.
بۇل الماتىدان وڭتۇستىك-باتىسقا قاراي 408 شاقىرىم قاشىقتىقتا قىرعىزستان اۋماعىنىڭ ماڭى بولادى.
- جەر سىلكىنىسىنىڭ ەنەرگەتيكالىق كلاسى – 13،1، ماگنيتۋداسى - MPV 5،9.
ەسەپتىك قارقىندىلىق 2 بالل مىنا ەلدىمەكەن تۇرعىندارىنا سەزىلدى:
- جامبىل وبلىسىنىڭ مەركە، قۇلان، تاراز، سارىكەمەر، باۋىرجان مومىش ۇلى، اسا، قورداي، شۋ، قاراتاۋ، تولە بي ەلدىمەكەندەرىندە؛
- سونداي-اق تۇركىستان وبلىسىنىڭ تۇرار رىسقۇلوۆ، لەنگەر، مانكەنت، سايرام، اقسۋكەنت، قازىعۇرت، سارىاعاش، اباي، تەمىرلان اۋىلدارىندا؛
- شىمكەنت قالاسىندا.
زارداپ شەككەندەر مەن قيراندىلار تۋرالى اقپارات جوق.
ايتا كەتسەك، 2025 جىلى 23 شىلدەدە استانا ۋاقىتىمەن 15:37-دە قازاقستان اۋماعىندا جەر سىلكىنىسى تىركەلدى. ونىڭ ماگنيتۋداسى 4 بالدى قۇرادى. ال شىلدەنىڭ باسىندا وڭتۇستىكتە تاعى جەر سىلكىنگەن، ماسەلەن سول كەزدە قۇلان اۋدانىندا 6 بالل تىركەلدى.
