قازاقستاننىڭ جاساندى ينتەللەكتٸنٸ دامىتۋ باعىتى قىتايمەن ىنتىماقتاستىققا جاڭا مٷمكٸندٸكتەر اشادى. بۇل تۋرالى قىتاي حالىق رەسپۋبليكاسىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ حان چۋنلين پٸكٸر بٸلدٸردٸ, دەپ حابارلايدى Dalanews.kz.
«بٸزدٸڭ ەلدەرٸمٸزدٸڭ باسشىلارى بيىل ەكٸ رەت كەزدەستٸ جەنە كٶپتەگەن ماڭىزدى كەلٸسٸمدەرگە قول جەتكٸزدٸ. ولار بٸرگە ەكٸجاقتى ىنتىماقتاستىققا قاتىستى كٶپتەگەن قۇجاتتارعا قول قويدى. مۇنىڭ بەرٸ قازاقستان مەن قىتاي اراسىنداعى قاتىناستاردى جاڭا, ودان دا جوعارى دەڭگەيگە شىعاردى. جاقىندا پرەزيدەنت توقاەۆ ٶز جولداۋىندا قازاقستاننىڭ ودان ارعى دامۋ باعىتىن جاساندى ينتەللەكتپەن بايلانىستىردى. مەن بۇنىڭ جاساندى ينتەللەكت, جاسىل دامۋ جەنە تسيفرلاندىرۋ سالاسىنداعى ەكٸجاقتى ىنتىماقتاستىققا جاڭا مٷمكٸندٸكتەر اشاتىنىنا سەنٸمدٸمٸن», – دەدٸ حان چۋنلين سەيسەنبٸ كٷنٸ استانادا.
ەلشٸ بەيجٸڭ شەت تٸلدەرٸ ۋنيۆەرسيتەتٸنٸڭ قازاقستانداعى فيليالىندا قىتاي حالىق رەسپۋبليكاسىنىڭ قۇرىلۋ كٷنٸ مەن كٷزگٸ اي مەرەكەسٸنە ارنالعان ٸس-شاراعا قاتىستى. شارا اياسىندا «كٶركەم قىتاي» اتتى فوتوكٶرمە مەن شەبەرلٸك ساباقتارى ٶتتٸ.
استانا حالىقارالىق ۋنيۆەرسيتەتٸنٸڭ پرەزيدەنتٸ سەرٸك يرساليەۆ تە قازاقستان مەن قىتاي اراسىنداعى قارىم-قاتىناستاردىڭ نىعايۋىنا توقتالدى. ول قازاقستاندا قىتاي تٸلٸنٸڭ وقىتۋشىلارىن كٶبٸرەك دايارلاۋ جوسپارلانىپ وتىرعانىن, ونىڭ ٸشٸندە جوعارى وقۋ ورىندارى ٷشٸن دە ماماندار قاجەت ەكەنٸن ايتتى.
«بٷگٸندە قوس ديپلومدىق باعدارلامادا 91 ستۋدەنت بٸلٸم الۋدا, ونىڭ ٸشٸندە 77-سٸ – گرانت نەگٸزٸندە. Foundation باعدارلاماسىنا 151 ستۋدەنت قابىلداندى. (…) جاقىندا استانا حالىقارالىق ۋنيۆەرسيتەتٸ بٸزدٸڭ فيليال بازاسىندا ماگيستراتۋرا باعدارلاماسىن ٸسكە قوسۋ تۋرالى كەلٸسٸمگە قول قويدى. بۇل قادام جوعارى بٸلٸكتٸ مامانداردى دايارلاۋعا جاڭا مٷمكٸندٸكتەر اشىپ, قازاقستان-قىتاي بٸلٸم بەرۋ ىنتىماقتاستىعىنىڭ كٶكجيەگٸن ايتارلىقتاي كەڭەيتەدٸ», – دەپ اتاپ ٶتتٸ يرساليەۆ.
ەسكە سالساق, بەيجٸڭ شەت تٸلدەرٸ جەنە مەدەنيەتٸ ۋنيۆەرسيتەتٸنٸڭ فيليالى 2024 جىلدىڭ كٷزٸندە استانا حالىقارالىق ۋنيۆەرسيتەتٸنٸڭ بازاسىندا اشىلعان بولاتىن.
