7 قاڭتاردا قازاقستاننىڭ 14 وبلىسىندا داۋىلدى ەسكەرتۋ جاريالاندى. بۇل تۋرالى "قازگيدرومەت" رمك مالىمدەدى، دەپ حابارلايدى Dalanews.kz.

اقمولا وبلىسىنىڭ سولتۇستىگى، وڭتۇستىگى مەن شىعىسىندا قار جاۋىپ، بوران جانە كوكتايعاق بولادى. جەل باتىستان سوعىپ، وبلىستىڭ سولتۇستىگى مەن شىعىسىندا 15–20 م/س، تۇندە كەي جەرلەردە 23–28 م/س-قا دەيىن كۇشەيۋى مۇمكىن.

استانادا دا قار جاۋىپ، جاياۋ بۇرقاسىن بولادى. قالا كوشەلەرىندە كوكتايعاق بولۋى مۇمكىن.

پاۆلودار وبلىسىنىڭ وڭتۇستىگى مەن شىعىسىندا قار جاۋىپ، بوران سوعادى. جەلدىڭ جىلدامدىعى 15–20 م/س، تۇندە ەكپىنى 23–28 م/س-قا دەيىن جەتۋى ىقتيمال.

سولتۇستىك قازاقستان وبلىسىنىڭ سولتۇستىگى، شىعىسى جانە وڭتۇستىگىندە جاياۋ بۇرقاسىن بولۋى مۇمكىن.

تۇركىستان وبلىسىنىڭ باتىسى، وڭتۇستىگى جانە تاۋلى ايماقتارىندا تۇمان تۇسەدى.

اتىراۋ وبلىسىنىڭ باتىسى، وڭتۇستىگى مەن شىعىسىندا تۇمان مەن كوكتايعاق بايقالادى. كۇندىز وڭتۇستىك جانە شىعىس باعىتتاعى جەل ەكپىنى 15–20 م/س-قا دەيىن جەتۋى مۇمكىن.

اقتوبە وبلىسىنىڭ سولتۇستىگى، شىعىسى جانە وڭتۇستىگىندە تۇمان تۇسەدى.

باتىس قازاقستان وبلىسىنىڭ سولتۇستىك-باتىسىندا قار جاۋىپ جاياۋ بۇرقاسىن بولۋى مۇمكىن. وبلىستىڭ باتىسى، سولتۇستىگى مەن شىعىسىندا تۇمان جانە كوكتايعاق بولادى.

ماڭعىستاۋ وبلىسىنىڭ سولتۇستىگى مەن ورتالىعىندا تۇندە جانە تاڭەرتەڭ تۇمان بولادى.

اباي وبلىسىنىڭ باتىسى، سولتۇستىگى مەن ورتالىعىندا قار، بوران جانە كوكتايعاق كۇتىلەدى.

شىعىس قازاقستان وبلىسىنىڭ باتىسى، سولتۇستىگى جانە شىعىسىندا قار، بوران جانە كوكتايعاق بولادى. سولتۇستىگىندە كەي ۋاقىتتا قار قالىڭ ءتۇسۋى مۇمكىن.

ۇلىتاۋ وبلىسىنىڭ شىعىسىندا تۇندە قار جاۋىپ، جاياۋ بۇرقاسىن بولادى. سولتۇستىگى، شىعىسى جانە ورتالىعىندا تۇمان تۇسەدى. جەلدىڭ جىلدامدىعى 15–20 م/س دەيىن سوعادى.

قاراعاندى وبلىسىنىڭ سولتۇستىگى مەن شىعىسىندا تۇندە قار جاۋىپ، بوران سوعادى. وبلىستىڭ باتىسى، سولتۇستىگى جانە وڭتۇستىگىندە تۇمان كۇتىلەدى.

قىزىلوردا وبلىسىنىڭ ورتالىعى، وڭتۇستىگى جانە سولتۇستىگىندە تۇمان بولجانادى.

قوستاناي وبلىسىنىڭ سولتۇستىگى، شىعىسى جانە وڭتۇستىگىندە تۇمان كۇتىلەدى.