قازاقستاننان دەپورتاتسييالانعان 25 جاستاعى IT-مامان الەكساندر كاچكۋركين رەسەيدە مەملەكەتكە وپاسىزدىق جاسادى دەگەن ايىپپەن قاماۋعا الىندى. بۇل تۋرالى 1 اقپاندا "پەرۆىي وتدەل" قۇقىق قورعاۋ جوباسى مەلٸمدەدٸ, دەپ حابارلايدى Dalanews.kz dw.com-عا سٸلتەپ.
قۇقىق قورعاۋشىلاردىڭ مەلٸمەتٸنشە, قاڭتاردىڭ اياعىندا الماتى پوليتسيياسى كاچكۋركينگە قاتىستى ەكٸ ەكٸمشٸلٸك حاتتاما تولتىرعان: رۇقسات ەتٸلمەگەن جەردەن جول كەسٸپ ٶتكەنٸ جەنە جابىق جەردە كاليان شەككەنٸ ٷشٸن. سونىڭ نەگٸزٸندە سوت ونى "قازاقستان رەسپۋبليكاسىنىڭ زاڭدارى مەن ەگەمەندٸگٸن قۇرمەتتەمەۋٸنە" بايلانىستى ەلدەن شىعارۋ تۋرالى شەشٸم قابىلداعان.
رەسەيگە ۇشىپ كەلگەن بويدا كاچكۋركين ۇشاقتان تٷسە سالا ۇستالىپ, سوتقا جەتكٸزٸلگەن. 31 قاڭتاردا تاسس اگەنتتٸگٸ مەسكەۋدٸڭ مەششان اۋداندىق سوتى مەملەكەتكە وپاسىزدىق تۋرالى قىلمىستىق ٸس اياسىندا كاچكۋركيندٸ تەرگەۋ يزولياتورىنا قاماۋعا العانىن حابارلادى. سوت وتىرىسى جابىق رەجيمدە ٶتكەن.
قۇقىق قورعاۋشىلاردىڭ ايتۋىنشا, قىلمىستىق ٸسكە ۋكرايناعا جٸبەرٸلگەن اقشا اۋدارىمدارى سەبەپ بولۋى مٷمكٸن. بۇل باپ بويىنشا ەڭ اۋىر جازا - ٶمٸر بويىنا باس بوستاندىعىنان ايىرۋ. الايدا كاچكۋركيننٸڭ ايىپتى مويىنداعانى نەمەسە اۋدارىمدار دەرەگٸن راستاعانى جٶنٸندە اقپارات جوق.
الەكساندر كاچكۋركين - ۋكراينا ازاماتى, قىرىمدا تۋعان. ول ساياسي سەبەپتەرمەن قازاقستانعا كٶشٸپ, الماتىدا IT-ينجەنەر جەنە ەزٸرلەۋشٸ بولىپ جۇمىس ٸستەگەن. كەي دەرەكتەرگە سەيكەس ول OpenAI كومپانيياسىمەن دە ىنتىماقتاستىق ورناتقان.
