ٷندٸستان ازاماتى قازاقستانعا بٸلٸم بەرۋ سالاسىنداعى ٸسساپارمەن كەلٸپ, ەسٸرتكٸگە بايلانىستى قىلمىس ٷشٸن ٷش جىلعا باس بوستاندىعىنان ايىرىلدى, دەپ حابارلايدى Dalanews.kz.
بۇل تۋرالى جۋرناليست ميحايل كوزاچكوۆ جازدى. Shaikh Abdaluddin ەسٸمدٸ ٷندٸستان ازاماتى بىلتىر قازان ايىندا Fly Dubai ەۋە كومپانيياسىنىڭ رەيسٸمەن استاناگا ۇشىپ كەلگەن. ول ەلوردادا بٸر تەۋلٸك ايالداپ, كەيٸن الماتىعا بارۋى تيٸس بولعان. ينوستراندىقتىڭ نەگٸزگٸ ماقساتى دۋبايدا ورنالاسقان بريتاندىق De Montfort University فيليالىنا قازاقستاندىق ستۋدەنتتەردٸ تارتۋ ەدٸ.
استاناعا كەلگەن سوڭ ول «جۇمباقتاس» قوناقٷيٸنە ورنالاسادى. سول جەردە, ونىڭ ايتۋىنشا, تٶسەكتٸڭ جانىنداعى تۋمبوچكا ٷستٸنەن ٸشٸندە اق ۇنتاق بار شاعىن پاكەت تاۋىپ العان. بۇل ەسٸرتكٸ ەكەنٸن تٷسٸنگەن ول ينتەرنەتتەن قولدان جاسالاتىن شىلىم شەگۋ قۇرالىن قالاي دايىنداۋ كەرەگٸن قاراپ, بٸرنەشە مينۋتتان كەيٸن العاشقى دوزانى قابىلداعان.
زات شەتەلدٸككە قاتتى ۇناعان بولۋى كەرەك, ول ونى تاستاماي, الماتىعا ٶزٸمەن بٸرگە الىپ كەتۋدٸ ۇيعارعان. ەسٸرتكٸنٸ ٸش كيٸمٸنە جاسىرىپ, ال شىلىم شەگۋگە ارنالعان قۇرالدى سٶمكەسٸنە سالىپ, ەۋەجايعا بەت العان.
الايدا ەۋەجايدا اۆياتسييالىق قاۋٸپسٸزدٸك قىزمەتكەرلەرٸ جٷكتەگٸ كٷمەندٸ قۇرىلعىنى بٸردەن بايقاپ, ونى تەكسەرۋ ايماعىنا ٶتكٸزگەن. تەكسەرۋ بارىسىندا ەسٸرتكٸنٸڭ بٸر بٶلٸگٸ ونىڭ دەنەسٸندە جاسىرىلعانى انىقتالعان.
وسىدان كەيٸن شەتەلدٸك ازامات ۇستالىپ, قاماۋعا الىندى. وعان اسا ٸرٸ مٶلشەردە, ساتۋ ماقساتىنسىز ەسٸرتكٸنٸ زاڭسىز ساقتاۋ جەنە تاسىمالداۋ بابى بويىنشا ايىپ تاعىلدى. قازاقستان زاڭناماسىنا سەيكەس, بۇل قىلمىس ٷشٸن 3 جىلدان 7 جىلعا دەيٸن باس بوستاندىعىنان ايىرۋ جازاسى كٶزدەلگەن.
سوتتا Shaikh Abdaluddin كٸنەسٸن تولىق مويىنداپ, جاساعان ٸسٸنە ٶكٸنٸش بٸلدٸرٸپ, بوستاندىعىنان ايىرمايتىن جازا تاعايىنداۋدى سۇراعان. الايدا سۋديا اديلبەك بايماحانوۆ ٸستەن جەڭٸلدەتەتٸن مەن-جاي تاپپاي, ٷندٸستان ازاماتىن ورتاشا قاۋٸپسٸزدٸك دەڭگەيٸندەگٸ تٷزەۋ مەكەمەسٸندە 3 جىلعا باس بوستاندىعىنان ايىرۋ تۋرالى ٷكٸم شىعاردى.
