قازاقستاندا بازالىق مٶلشەرلەمەنٸڭ تٶمەندەۋٸنەن كەيٸن ەكٸنشٸ دەڭگەيلٸ بانكتەر دەپوزيتتەردٸڭ شارتتارىن قايتا قاراي باستادى. سالىمدار بويىنشا سىياقى مٶلشەرلەمەسٸن تٶمەندەتەتٸنٸن العاشقىلاردىڭ بٸرٸ بولىپ Home Credit Bank پەن Freedom Bank Kazakhstan جارييالادى, دەپ حابارلايدى dalanews.kz.
Home Credit Bank 1 تامىزدان باستاپ بٸرقاتار دەپوزيتتەر مەن دەپوزيتتٸك سەرتيفيكاتتار بويىنشا سىياقى مٶلشەرلەمەسٸن ازايتاتىنىن حابارلادى.
اتاپ ايتقاندا, ٷش ايلىق «سبەرەگاتەلنىي حوۋم+» دەپوزيتٸ جەنە VIP كليەنتتەرگە ارنالعان التى ايلىق «سبەرەگاتەلنىي حوۋم+» سالىمى بويىنشا نومينالدى مٶلشەرلەمە 18,65%-دان 18,24%-عا تٶمەندەيدٸ. ال جىلدىق تيٸمدٸ سىياقى مٶلشەرلەمەسٸ (جتسم) 20,50%-دان 20,00%-عا دەيٸن ازايادى.
سونىمەن قاتار بانك «ستاندارتنىي 2.0» دەپوزيتتٸك سەرتيفيكاتتارىنىڭ دا تابىستىلىعىن قىسقارتادى. 12 ايلىق سەرتيفيكات بويىنشا مٶلشەرلەمە 19,5%-دان 19,0%-عا, ال ەكٸ جىلدىق سەرتيفيكات بويىنشا 18,75%-دان 18,25%-عا تٶمەندەيدٸ. بارلىق جاعدايدا تٶمەندەۋ كٶلەمٸ 0,5 پايىزدىق تارماقتى قۇرايدى. قالعان شارتتار ٶزگەرٸسسٸز قالادى.
دەپوزيتتەر شارتىن ٶزگەرتەتٸنٸن Freedom Bank Kazakhstan تا مەلٸمدەدٸ.
6 تامىزدان باستاپ جاڭادان اشىلاتىن جەنە مەرزٸمٸ ۇزارتىلاتىن ٷش ايلىق «ستراتەگييا» دەپوزيتٸ بويىنشا نومينالدى مٶلشەرلەمە 18,09%, ال جتسم 19,50% بولادى.
ال 7 تامىزدان باستاپ «كاپيتال» دەپوزيتٸنٸڭ شارتتارى ٶزگەرەدٸ. بٸر ايلىق سالىم بويىنشا نومينالدى مٶلشەرلەمە 16,95%, ال جتسم 18,00% دەڭگەيٸندە بەلگٸلەنەدٸ.
بۇعان دەيٸن Altyn Bank تا دەپوزيتتەر بويىنشا سىياقى مٶلشەرلەمەسٸ تٶمەندەيتٸنٸن حابارلاعان بولاتىن, الايدا ناقتى كٶرسەتكٸشتەردٸ جارييالاماعان.
بانكتەردٸڭ مۇنداي شەشٸمٸ ۇلتتىق بانكتٸڭ اقشا-كرەديت ساياساتىن جۇمسارتۋىنان كەيٸن قابىلداندى. 24 شٸلدەدە رەتتەۋشٸ بازالىق مٶلشەرلەمەنٸ 17%-دان 16,75%-عا دەيٸن تٶمەندەتتٸ. بۇل ماۋسىم ايىنداعى شەشٸمنەن كەيٸنگٸ قاتارىنان ەكٸنشٸ تٶمەندەۋ بولدى. ماۋسىمدا بازالىق مٶلشەرلەمە ۇزاق ۋاقىتتان بەرٸ العاش رەت بٸردەن 1 پايىزدىق تارماققا قىسقارتىلىپ, 17% دەڭگەيٸنە تٷسكەن ەدٸ.
ۇلتتىق بانك بۇل شەشٸمدٸ ينفلياتسييانىڭ باياۋلاۋىمەن تٷسٸندٸردٸ. ماۋسىم ايىندا جىلدىق ينفلياتسييا 10,3%-دى قۇراپ, مامىرداعى 10,4%-دان تٶمەندەدٸ. وسىلايشا باعا ٶسٸمٸنٸڭ بەسەڭدەۋٸ توعىزىنشى اي قاتارىنان جالعاسىپ وتىر.
سونىمەن بٸرگە رەتتەۋشٸ الداعى شەشٸمدەر ينفلياتسييانىڭ ٶزگەرٸسٸنە, تۇتىنۋشىلىق سۇرانىسقا جەنە بيۋدجەتتٸك ساياساتتىڭ ورىندالۋىنا بايلانىستى قابىلداناتىنىن اتاپ ٶتتٸ.
بازالىق مٶلشەرلەمە تٶمەندەگەنٸمەن, ەكونوميكاداعى اقشا-كرەديت شارتتارى ەلٸ دە قاتاڭ كٷيٸندە قالىپ وتىر. قازاقستان قارجىگەرلەرٸ قاۋىمداستىعىنىڭ (ققق) ساراپشىلارىنىڭ مەلٸمەتٸنشە, بيىلعى العاشقى جارتىجىلدىقتا ناقتى پايىزدىق مٶلشەرلەمە 5,7%-دان 6,7%-عا دەيٸن ٶسكەن. بۇعان ينفلياتسييانىڭ پايىزدىق مٶلشەرلەمەدەن جىلدامىراق باياۋلاۋى سەبەپ بولعان.
قاۋىمداستىق دەرەگٸنە سەيكەس, بۇل ٷردٸس ەكونوميكادا دا بايقالا باستادى. قاڭتار–مامىر ايلارىندا بٶلشەك ساۋدا ٶسٸمٸ ٶتكەن جىلدىڭ وسى كەزەڭٸندەگٸ 6,5%-دان 3,6%-عا دەيٸن باياۋلاعان. ال تۇتىنۋشىلىق نەسيەلەر بەرۋ كٶلەمٸ بىلتىرعى سەيكەس كەزەڭدەگٸ 17,8% ٶسٸمنەن كەيٸن بيىل 8%-عا قىسقارعان.
ساراپشىلاردىڭ پٸكٸرٸنشە, جىلدىڭ العاشقى جارتىسىندا دەپوزيتتٸك نارىقتا قورلاندىرۋ قۇنى ايتارلىقتاي ٶزگەرمەگەن, بۇل مٶلشەرلەمەلەردٸڭ بۇرىنعى بەلسەندٸ ٶسٸمٸنەن كەيٸن تۇراقتانعانىن كٶرسەتەدٸ. ال بانكتەردٸڭ تامىز ايىنان باستاپ دەپوزيتتەردٸڭ تابىستىلىعىن تٶمەندەتۋٸ – ۇلتتىق بانكتٸڭ شٸلدەدەگٸ شەشٸمٸنٸڭ بٶلشەك كليەنتتەرگە ەسەر ەتكەن العاشقى ايقىن بەلگٸسٸ بولۋى مٷمكٸن.
