قىتاي حالىق رەسپۋبليكاسىنىڭ سۋچجوۋ قالاسىندا 12-20 شٸلدە ارالىعىندا ٶتكەن ەكونوميكادان حالىقارالىق وليمپيادادا (International Economics Olympiad, IEO 2026) قازاقستاندىق وقۋشىلار جوعارى نەتيجە كٶرسەتتٸ. ەلەمنٸڭ 61 ەلٸنەن 300-گە جۋىق دارىندى وقۋشى قاتىسقان بەدەلدٸ بٸلٸم دوداسىندا قازاقستان قۇراماسى بٸر التىن, ٷش كٷمٸس جەنە بٸر قولا مەدال جەڭٸپ الدى, دەپ حابارلايدى dalanews.kz.
قازاقستان قۇراماسىنىڭ قورجىنىنا بٸر التىن, ٷش كٷمٸس جەنە بٸر قولا مەدال تٷستٸ:
مۇحتارحان باتىرحان - استانا قالاسى نۇرا اۋدانىنداعى NIS-تٸڭ 11-سىنىپ وقۋشىسى, التىن مەدال جەڭٸپ الىپ, حالىقارالىق ەكونوميكا وليمپياداسىنىڭ ەكٸ دٷركٸن التىن جٷلدەگەرٸ اتاندى.
كەمەلوۆ دينمۋحاممەد - الماتى قالاسى مەدەۋ اۋدانىنداعى NIS-تٸڭ 11-سىنىپ وقۋشىسى, كٷمٸس مەدال.
جاپاروۆ التاير - الماتى قالاسى مەدەۋ اۋدانىنداعى NIS-تٸڭ 11-سىنىپ وقۋشىسى, كٷمٸس مەدال.
سۇلتانبەك ارۋجان - الماتى قالاسىنداعى «ميراس» حالىقارالىق مەكتەبٸنٸڭ 11-سىنىپ وقۋشىسى, كٷمٸس مەدال.
قۋانىشبەك تەمٸرلان - الماتى قالاسى مەدەۋ اۋدانىنداعى NIS-تٸڭ 10-سىنىپ وقۋشىسى, قولا مەدال.
ۇلتتىق قۇرامانى «Teenvestor» مەكتەبٸنٸڭ ديرەكتورى, ۇلتتىق قۇراما جاتتىقتىرۋشىسى رۋسلان مۋلداشەۆ جەنە «دارىن» رەسپۋبليكالىق عىلىمي-پراكتيكالىق ورتالىعىنىڭ ەدٸسكەرٸ زەرە جارلاگاپوۆا دايىندادى.
قازاقستاندىق وقۋشىلاردىڭ بۇل جەتٸستٸگٸ ەلٸمٸزدە دارىندى جاستاردى قولداۋ جەنە ولاردى حالىقارالىق وليمپيادالارعا جٷيەلٸ دايارلاۋ جۇمىسىنىڭ نەتيجەسٸن كٶرسەتتٸ. ەلەمنٸڭ 61 ەلٸنەن جينالعان ٷزدٸكتەر اراسىنداعى تابىستى ٶنەر كٶرسەتۋ قازاقستاندىق وقۋشىلاردىڭ ەكونوميكا, قارجى جەنە بيزنەس باعىتتارى بويىنشا حالىقارالىق دەڭگەيدەگٸ بەسەكەگە قابٸلەتتٸلٸگٸن تاعى بٸر مەرتە دەلەلدەدٸ.
حالىقارالىق ەكونوميكا وليمپياداسى (International Economics Olympiad, IEO) - ەكونوميكا, قارجى جەنە بيزنەس سالاسىنداعى دارىندى مەكتەپ وقۋشىلارىن بٸرٸكتٸرەتٸن ەلەمدەگٸ ەڭ بەدەلدٸ زيياتكەرلٸك جارىستاردىڭ بٸرٸ. وليمپيادا بارىسىندا قاتىسۋشىلاردىڭ ەكونوميكا, قارجى جەنە بيزنەس باعىتتارى بويىنشا بٸلٸمٸ, اناليتيكالىق ويلاۋ قابٸلەتٸ مەن پراكتيكالىق جاعدايدا تيٸمدٸ شەشٸم قابىلداۋ داعدىلارى باعالانادى.
