2025 جىلى قازاقستاندىقتار اۋىزسۋدىڭ ساپاسىنا، سۋ بەرۋدەگى ۇزىلىستەرگە جانە توزعان سۋ جەلىلەرىنە بايلانىستى 70 مىڭ شاعىم جولداعان. بۇل تۋرالى پرەمەر-مينيستر ولجاس بەكتەنوۆ مالىمدەدى، دەپ حابارلايدى Dalanews.kz.
ۇكىمەت باسشىسى ءوڭىر اكىمدىكتەرى مەردىگەر جانە قىزمەت كورسەتۋشى ۇيىمداردىڭ جۇمىسىنا باقىلاۋدى كۇشەيتۋى ءتيىس ەكەنىن اتاپ ءوتتى. ونىڭ ايتۋىنشا، انىقتالعان زاڭبۇزۋشىلىقتار بويىنشا قاتاڭ شارالار قابىلدانۋى قاجەت.
سونداي-اق بەكتەنوۆ كوممۋنالدىق سەكتوردى جاڭعىرتۋعا ارنالعان ۇلتتىق جوبا اياسىنداعى مۇمكىندىكتەردى بارىنشا ءتيىمدى پايدالانۋدى تاپسىردى. اتاپ ايتقاندا، ءبىرقاتار وڭىردە سۋ قۇبىرلارىن قايتا جاڭعىرتۋ جانە پايدالانۋعا بەرۋ جۇمىستارىن جەدەلدەتۋ، سۋ جوبالارىن قارجىلاندىرۋدى قامتاماسىز ەتۋ جانە ولاردىڭ ورىندالۋىنا جۇيەلى باقىلاۋ ورناتۋ قاجەتتىگىن ايتتى.
