ۇلتتىق بانكتٸڭ 2025 جىلعى 1 شٸلدەدەگٸ دەرەگٸنە سەيكەس, قازاقستاندىقتاردىڭ كوللەكتورلىق اگەنتتٸكتەردەگٸ قارىزى 1 ترلن تەڭگەگە جەتتٸ. جىل باسىنان بەرٸ بۇل سوما 30,3%-عا, ياعني 236,1 ملرد تەڭگەگە ارتقان, دەپ حابارلايدى Dalanews.kz.
قارىزدىڭ باسىم بٶلٸگٸ – 904,5 ملرد تەڭگە نەمەسە 89,1% – نەگٸزگٸ بەرەشەك. ال قالعان 110,5 ملرد تەڭگە (10,9%) قارىز بويىنشا ەسەپتەلگەن سىياقىنى قۇرايدى.
ەڭ ٸرٸ كٶلەمدەگٸ قارىز i-Finance اگەنتتٸگٸندە – 243,5 ملرد تەڭگە (24%). ەكٸنشٸ ورىندا HCB – 184,6 ملرد تەڭگە (18,2%). ٷشٸنشٸ ورىنعا «تساكا» شىقتى – 59,8 ملرد تەڭگە (5,9%). وسىلايشا, ٷش اگەنتتٸكتٸڭ ٷلەسٸندە قازاقستاندىقتاردىڭ كوللەكتورلارعا بەرٸلگەن قارىزىنىڭ 48,1%-ى بار.
ەلدە رەسمي تٸركەلگەن 193 كوللەكتورلىق اگەنتتٸكتٸڭ قالعان 190-ى جالپى بەرەشەكتٸڭ 51,9%-ىن ٶندٸرٸپ جٷر. بۇل ەرقايسىسىنا ورتا ەسەپپەن 2,8 ملرد تەڭگەدەن كەلەدٸ. بۇل سوما تٸپتٸ ٷزدٸك ٷشتٸكتەگٸ ەڭ از ٷلەسكە يە «تساكا» اگەنتتٸگٸنەن 21 ەسە تٶمەن. ال 71 اگەنتتٸك مٷلدە قارىز ٶندٸرٸپ جاتقان جوق.
i-Finance-تٸڭ يەسٸ – باقدەۋلەت اليحانوۆ. eGov دەرەكتەرٸندە وسى اتتاس ازامات 2022 جىلدان بەرٸ قازاقستان زاڭ كەڭەسشٸلەرٸ پالاتاسىنىڭ تٸزٸمٸندە تٸركەلگەن. HCB اسحان ەرمەكباەۆقا, ال «تساكا» – الماز اشيموۆقا تيەسٸلٸ.
